آه يا أجمل من نظرته من جميلات الخلايق
أرفق بروحي تراها بعدكم صارت خطيرة
في غيابك أحسب الساعات وأعد الدقايق
كني اللي طايح في البيت رجلينه كسيرة
والمسكين شبت في شاريينه حرايق
ما يطفي نارها حتى المخاييل المطيرة
حبك بقبلي حبيبي ما يبي مني وثايق
ما تشوف الدمع من عيني على جفني محيرة
أشهد إن البعد ما بيني وبينك غير لايق
وأدري إنك ما نسيتني شخص حبك من ضميره
ليش ما تبغى الحقيقة ليش تعتيم الحقايق
لا متى تسكت وأنا بالحب بحت السريرة
لا متى تبني على درب الهوى سد وعوايق
لا متى عيني وعينك في الهوى دايم سهيرة
وكانك معزم على طول السفر والبال رايق
وإن هذي كلمتك يا صاحبي كلمة اخيرة
فالأماني يا حبيبي واجده والصدر ضايق
بس عندي حلم واحد ما طرالي حلم غيره
ليتني شغال عندك يا لطيف الروح سايق
وأتمشى بك على طول الدهر في كل ديرة
رد مع اقتباس
!
