انتفاضة
تكذبين ما تخيرتك حبيبه
أو غزلت الشوق
بخيوطك حزين
أو حضنتك في شعوري
أو تعبت أرضيك
وأتعبت السنين
إنت ِ شي
غامض غريب
من عيونك
أنتفض كلي حنين
* * *
إنت ِ حبيبه
لا
إنت ِ أكبر
إنت ِ شوقي
لا
إنتي أكثر
إنت ِ أعذب من سكنّي
إنت ِ سكّر
إنت ِ ملح الوقت كله
فيك طعم الحب
خنجر
إنت ِ شي
غامض غريب
من عيونك أنتفض
كلي حنين
* * *
منهو إنت ِ ؟؟!
في عيوني
حب ضعتي
في عروقي
شوق ذبتي
من جنونك
استحليتي خيالي
وين ما سافر شعوري
في شعوري
غصب كنتي
آه يا أكذب حقيقه
علميني منهو إنت ِ
إنت ِ شي
غامض غريب
من عيونك أنتفض
كلي حنين
إيه أحبك, لا تلومي شعور عاشق
ما قضى عمره سوى انه يحتريك
عَانَق الغيمه ../ وإحساسه مفارق
خوف من بعدك , أو إنه يرتجيك
أجوبه,../ بعد السؤال اللي تعَنَاق
مَعْ فكر طيفك ./وفكري مهتويك
شوفي مغرب عمرنا يمّ المشارق
وأطوي اليأس المبيّن ..لا يجيك
وأكتبيني شاعر ٍف الحب غارق
همه الأول ... وجوده في يديك
لا توارين الأمل والحزن شاهق
في شرايين الوله / مالك شريك
رَعْد قلبي ./ ينتظر بشفاك بارق
لا تردينه ....... وهو تايه يبيك
البلا .../ ماهو إذا عندك بيارق
البلا ... لو طاح بيرق مشتريك
دمعة ٍ عذرا على مسروق سارق
سارق ٍ درب الغلا/ مسروق فيك
الله أعلم ...../ لو تلّفين المناطق
ما لقيتي .... منهو مثلي يحتويك
ياكثر من يشبهك ..
في تقاطيع ..
الكلام ..
في تقاطيع ..
العطاء ..
بس ..
ماحد ٍ يشبهك ..
في تقاطيع ..
الغرام ..
وفي تقاطيع ..
الوفاء ..
مجلسك ..
غير المجالس ..
لك طعم ..
ماذقت مثله
في سوالف ..
أو لقاء ..
...........
سولفوا لي ..
عن مشاعرهم كثير ..
ورسموا الحلم
الكبير ..!!
ما أذكر اعداد ..
اللي مرن !!!
في جروحي ..
ما ستمرن
حاولن ..
عزف المشاعر
بس عزفك
انت غير
مجلسك ..
غير المجالس ..
لك طعم ..
ماذقت مثله
في سوالف ..
أو لقاء ..
...........
أنتي لهفه ..
أنتي شوق
أنتي ثورة حب صادق
وأنتفاضه في العروق
انتي ملح الحب كله
انتي شي ..
يعجبني ظله ..
انتي جرح ٍ
جاء .. محله ..
صدقيني ..
انتي ذوق ..!!
مجلسك ..
غير المجالس ..
لك طعم ..
ماذقت مثله
في سوالف ..
أو لقاء..
_
مانسيتك
حرريني من قيودي ..
من حدودي ..
أعلني الثوره ..
على صحوة جنودي ..
وستحليني مدينه ..
واقطفي أجمل ورودي ..
بعدها .. قولي لي وينك ..
وفيك .. أنا بعلن وجودي !!
.........
احكميني ..
غيري دستور عمري ..
غيريني ..
غيري .. بيوت المشاعر .. والعواطف ..
غيري خطوة سنيني ..
اشطبي التاريخ كله ..
اكتبيني ..
زوريني ..
بعدها .. قولي لي وينك ..
وفيك .. أنا بعلن وجودي !!
..........
أنا مسلوب الإراده ..
في خريطة .. هالزمان ..
العمر في ايامي عاده ..
صدقيني ..
حتى ميلادي نسيته ..
حتى صبري ..
حتى موتي ..
مامعي لعمري شهاده ..
حاربي سلطان يأسي ..
أعلني ميلاد عمري ..
صيري لي ..
دوله .. وقاده ..
بعدها .. قولي لي وينك ..
وفيك .. أنا بعلن وجودي !!
أحب فيك ...../ النصح والعذل واللوم
أحب وجهك ينحبس في ......./ يديني
نعم حرمتيني ...../ وانا منك محروم
وش غايتك من حسرتي ....../ فهميني
بيني وبينك .. والرجاء صمت وهموم
بيني وبينك ....../ والزمن جفن عيني
لك خاطري في هاجس الشوق مرسوم
حبك تجاوز رغبتي ........./ صدقيني
موجك غضب ..وانا جديد ٍ على العوم
ميناك أبعد من مسافة ......../ حنيني
أما يصير الشوق ..../ بالذوق مقسوم
وإلا إنتوادع .../ وأعذرك وأعذريني
,
,
أنا صوت الجروح اللي .. تخاف تواجه الواقع
أموت بغيظي الظالم ..../ عزيز وشامخ الهامه
أخالف دورة العالم .../ وأقول إن الزمن راجع
أسافر مع ْ خطأ ذهني ../ واصدّق لهفة اوهامه
يعارضني العقل واكذب .../ أقول بواقعي قانع
أداري في عيون الكون, هواي وصحوة احلامه
أنا حلم ٍ وقف بآخر ... صفوف الحب متراجع
أموت بغفوتي ظامي ...... يموت الشوق وايامه
أنا اضحك والبكا صمتي / غريب مهاجر موادع
أشوف الليل مشواري ,,,,, نهاري تقصر اقدامه
صوتك البارح نساني ..!!
والثواني ..
ماغدت نفس الثواني ..
آه لو تدري حبيبي ..
وش كثر بعدك اعاني ..
صرت اسولف للزوايا ..
والستاير والمرايا ..
وكل شيء حولي سألني ..
وفضحت عيني حناني ..
أنت وينك ياحبيبي ..؟
كل شيء يسأل عليك .. وأشتكى صمتك مكاني !!
...........
ياني متلهف وأبيك ..
اسأل بشوقي عليك ..
اسأل بصمتي عليك ..
صرت أدوّر في جروحي ..
ضحكتي .. صبري .. وروحي ..
وفي عذابي أحتريك ..
هو جنوني ..
والا غلطة من ظنوني ..
صرت أشوفك في عيوني ..
بس أجيك ..
تنتهي خطواتي فيك ..
أنت وينك ياحبيبي ..؟
كل شيء يسأل عليك .. وأشتكى صمتك مكاني !!
......
كل شيء ذكرني صوتك ..
دمعتي . صمتي . سكوتك ..
آه ياشين المجالس ..
وأنت مانت فيها جالس ..
مابقى في وقتي شيء ..
ألا مرك مشتهيك ..
ومالمحت بعيني حي..
ألا صرت أوله عليك ..
صرت أعاني في غيابك ..
خنجرك .. صمتك .. عذابك ..
مانسيتك ..!!
في تعب روحي سريتك ..
ضاع عمري مالقيتك ..
أنت وينك ياحبيبي ..؟
كل شيء يسأل عليك .. وأشتكى صمتك مكاني !!
#محمد_الفيفي '
رد مع اقتباس
المشاركة الأصلية كتبت بواسطة رايق البال
'
