وش فادتة على التراب أمنياته
تدري وش احساسي بعد حكم الفـراق ؟
كنِّي (رجل أعمى ) وضاعت عصاتـه
وتدري وش شعوري ليا قلت مشتـاق
كنِّـي معـاقٍ واستحلَّـوا خـواتـه
وتدري ليـا منِّـي توحَّـدت بـأوراق
كنِّي سجيـنٍ فاقـد أصغـر بناتـه
أحبِّك أكبـر مـن وسيعـات الآفـاق
ومـن الـبنـي آدم بحبَّـه لذاتـه
وأحبِّك أكثـر مـن فروقـات الأذواق
وأكثر مـن أكبـر كافـر بسيِّئاتـه
ياللِّي عيوبـك لـو تنـزَّل بالأسـواق
قلْ لأيِّ تاجـر بإنَّـه الربْـح فاتـه
وياللِّي مِثَل حسنه كما خـطَّ الإشـراق
بالناس ما به مـن يشابـه صفاتـه
كنِّ السِّما تظلـم إذا خاطـرك ضـاق
وكنِّ البحر شين الكوابيـس جاتـه
وليـا هـدى بالـك وفرفشتـه وراق
يصفى لـي الكـون ويبيِّـن حلاتـه
كنت الجذور وكنت في عيني السـاق
وفصل الفراق اللِّي طغى في نباتـه
مدري أنا ليه أكتـب وليـه بشتـاق
كنِّـي رجـل ودَّه تطـوِّل حيـاتـه
ومن المَرض ذاق الوجَع والألـم ذاق
ويومه توفَّى وأعلنـوا عـن وفاتـه
كاتب رسالة بإنَّه مات من حر الأشواق
وش فادته على التـراب أمنياتـه ؟
رد مع اقتباس
المشاركة الأصلية كتبت بواسطة احساس روح
!