لبّيه ياللي جيتنــي قبل ماآجيــك
،،،،،،،،،،،،،،،،،،،،،،،،،،،،، يآخآفقٍ حط الغـلا في محلّـه
يومك تنــآدي قلبي اللي يراعيـك
،،،،،،،،،،،،،،،،،،،،،،،،،،،،، بأعذب شعورٍ صادقٍ تستهلّه
بـ حروفك اللي تنتثر من أراضيك
،،،،،،،،،،،،،،،،،،،،،،،،،،،،، فآحـت بأريج وعطّر الكون كلّه
جتني حروفك كلها سحر من فيك
،،،،،،،،،،،،،،،،،،،،،،،،،،،،، بإبداعـك اللي بالقصايد تهلّـه
أمطرتني طِيب وكرم من معاليـك
،،،،،،،،،،،،،،،،،،،،،،،،،،،،، وأعطيتني جرعـة دوا لكل عـلّه
وأسقيتني من نهر شعرك وصآفيك
،،،،،،،،،،،،،،،،،،،،،،،،،،،،، يروي خفوقي كل ماأشتقت بَلّه
جيتــك بشــوقٍ أنثــره بين أياديــك
،،،،،،،،،،،،،،،،،،،،،،،،،،،،، يآشآعــرٍ عشـتَ الوفا تحت ظلّه
أسوق لك كل المشاعــر وأجاريــك
،،،،،،،،،،،،،،،،،،،،،،،،،،،،، وأكتب لك اللي بالضمايـر أشلّـه
ياللي تمكّـن دآخلي شي يغليــك
،،،،،،،،،،،،،،،،،،،،،،،،،،،،، إحســاس ياأســر خافقي ماأمـلّه
خَـلّك بجنبــي دآم إني مخلّـيــك
،،،،،،،،،،،،،،،،،،،،،،،،،،،،، في وسط روحي فوق عرشك مظلّه
وأبشر بماودّك تمنّــى وبـ يجيـك
،،،،،،،،،،،،،،،،،،،،،،،،،،،،، يااللي نثرت حـروف شعري فداً له
رد مع اقتباس
