عزاه ياقلب همومه مراديف هم ورى هم جن يتتالن
قال الشاعر / علي محمد الحربي
عـزاه يـا قلبـن همـومـه مـراديـف = هـمـن ورى هــم جــن يتـتـالـنّ
همـوم تـرج القلـب فـوق التواصيـف = وتشـلـع عـروقـه بسكـيـن تـسـنّ
ونـيران بصـدري كمـا واهـج الصيـف = كن السهم مـن بيـن الأضـلاع يطعـنّ
كـنـي رضـيـع يلهبـنـه شواعـيـف = والحـال مطويـه كمـا طويـة الـشـنّ
وشلـون تـطـاول سفـالـن ملاقـيـف = علـى نبـي مبعـوث للإنـس والـجـن
فـي حملـة بقيـادة الظلـم والحـيـف = والحقـد , اللـي علـى الواضح تبيـنّ
أكالـة الخنـزيـر , عـبـادة الكـيـف = فعـالـة السـيـة , وتبـاعـة الـجـنّ
لكـن عـزانـا يالقـلـوب الموالـيـف = السحـب مـا يضـره كلابـن تـعـاونّ
ومحمـد المبعـوث زيـن التواصـيـف = حاميه ربه من ماضـي الأزمـان ياهـنّ
هو الـذي حمـاه مـن راعـي السيـف = وأبو جهل وش حصـل لـه لـو تفطـنّ
والسـم خبـره عنـدكـم يالعـواريـف = والـي لفظـه الـقـاع يــوم يـدفـنّ
ونصرتـه ماهـي بالحكـا والسوالـيـف = ولا هي بقول فـي قفـى النـاس يطعـنّ
وحقيـقـة الـنـصـرة ترى يالمنـاصـيـف = تسمـع لأمــر النـبـي ثــم تـذعـنّ
وتطبـق أمـره علـى غـيـر تكلـيـف = وقول يضد قولـه علـى الجنـب تركـنّ
وتميـزك بالسنـة تـرى زود تشـريـف = ويرويك من حوضه , ليا من الأرياق يبسنّ
وصلوا على المرسول من السيف للسيـف = عداد ما أمـواج علـى الشاطـي تلاقـنّ