الجفاء لو طال صــرح الغلا هــــــده
يا عذاب اللي على الصبر له مده
يرجي المرسول ما جاب مردوده
مل مقعاده وصبره وصل حده
المنافذ دون مقصده مسدوده
ضاعت الحيله وحظه وقف ضده
والسبايب همزة الوصل مفقوده
كل ما قرب الفرج جاه من لده
كثرت الحساد والناس مقروده
يا عشيري وأن تماديت في الصده
حشمتك في داخل القلب ما جوده
مد حبل الوصل يا غايتي مده
لا تضيع حب قلبي و مجهوده
الجفاء لو طال صرح الغلا هده
صار حاله مثل نبتٍ يبس عوده
لد بالك يا هواء البال لي لده
الولايف من هل الشر محسوده
ما خفا في النفس يا صاحبي بده
الصراحه بين الاحباب محموده
أرحم اللي صدكم بيح بسده
صابر والوصل وده و مقصوده
أن وصلك العلم يا صاحبي رده
انتظر ردك والاعصاب مشدوده
السعاده وصلكم والجفاء شده
والاماني فيك يا زين معقوده
رد مع اقتباس
!