طابت خواطرنا من الوقت والناس
ماعاد نبغي الا الستر والسلامه
بعض البشرفي ظاهره كنه اللماس
وقلبه من الداخل تعشعش ظلامه
والبعض الآخر حايم اتقول قرناس
ولا الصحيح انه ما يسوي حمامه
و لا بعضهم يوم تنظره لا بأس
شكله طبيعي ما عليه اي ملامه
اثره خطير وفيه من حقد الانجاس
شايل بقلبه ما تشيل الغمامه
يالله جنبنا كريهين الانفاس
وابعد رفاق السؤ واهل الندامه
صادق صديق الدين تحضي بنوماس
وامسك بيده دوم وقف امامه
واكتب كلامه بلقلم وسط قرطاس
واتعلم الخيرات واحفظ كلامه
وان جالسك في مجلساً يرفع الراس
شخصاً مثقف ماخذا له علامه
ماهوب ذاك اللي مدلع وحساس
ولاهوب ذاك اللي يعذب غلامه
دايم كريم الخلق مايعرف افلاس
ويوزع المعروف في كل عامه
يرقي بدين الله من بدت الناس
ويعيش في دنياه لابس حزامه
جاهز اذا جات المنيه بلا اقياس
ومن قوه ايمانه يريد القيامه
رد مع اقتباس
!
المشاركة الأصلية كتبت بواسطة حبي خالص
