جمعنا الحب يا سالم مع الطيبه مع الإحسان
وفرقنا النصيب المر ...... مع عادات أهليه
كتبنا الود في قصه وخلينا الوفاء عنوان
ولكن وقتنا جاير ... على هذي وهاذيه
رسمته حلم في عيني وشيخته على الوجدان
وملكني وسط صدره وقال الحب يا حيه
يقل لو أنك في ابرا وانا قربي جبل سمحان
شمالي ن وخلاه القدر يعشق جنوبيه
خذاه الغير من يدي وعيشني على الحرمان
وخلا الحزن يلعبي مع الروحه مع الجيه
وحنا في مجتمع يعرف ترا من سالف الأزمان
فلاني(ن) بياخذله كذا البنت الفلانيه
يقلي احضر افراحي ولو صدري ملأ أحزان
وأنا لولا الحيا والله تراني بشعل الغيه
توادعنا وقال الحب قضيناه بالنسيان
وقلت الحب يا عمري ترا حاجات منسيه
كتبت الشعر بجروحي وصدري يلتهب نيران
وهو قلبه تصاليه الهموم صباح وعشيه
ودق الفون يا سالم بعد يومين من رمضان
يقلي الحال مبليه وأقول الحال مبليه
يقلي تأصل أشعارك ويوقف دم ذا الشريان
ويسيل الدمع ع الشاشة وحالي جد مرثيه
وأقول الشعر لعيونك واغني للعرب طربان
لو أن الحزن ف عيوني يغني مية اغنيه
كتبنا الحب في قصه تعال نعنون العنوان
انا والله شرقاوي ....وفارقله ظفاريه
#عامر_السالمي"
رد مع اقتباس
