اعذروني فاض همي واشتكى قلبي وناح
اعذروني لا تلوموني بياض الشيب لاح
عقب خلانِ الشدايد عطرهم بالمسك فاح
عقب ما زانت ليالي وارتوينا بالجراح
يا طيور الوقت نوحي لا تغني بارتياح
ضاقت الدنيا ومالي في مغانيها مراح
غير ساحات المعارك ما لقى قلبي انشراح
اعذروني يا رفاقه يوم فاضت بي هموم
اعذروني لا تلوموا ضاق صدري بالهموم
من يلوم اللي غريقٍ في بحوره ما يعوم
من يلوم اللي كثيرٍ غيرت حاله سهوم
آهيا دنيا العجايب كم تساقينا سموم
طير طاير وش علامك في السما دايم تحوم
طير طاير مرحبا بك كان في صدرك علوم
اعذروني يا رفاقه عقب شديت الرحال
اعذروني لا تلوموا سال دمع العين سال
سالت العبرات مني في كنيني الهم جال
ما على الدنيا حسوفه عقب ميدان القتال
سِعد من نال الشهاده من نعيم الخلد نال
في جنان الخلد داره يكرمه رب الجلال
لو تمنى ما تمنى من نعيم الخير طال
سِعد من نال الشهاده سِعد من وفّا ونال
رد مع اقتباس
المشاركة الأصلية كتبت بواسطة حبي خالص
