<< قلم عز العرب بين الماضي والحاضر>> ارشيف

[عز العرب]

(هناااااااااا ارشيف الكتابات القديمة والجديدة)

<مع اجمل يوميات نبض قلب>



بسم الله نبدأأأأأأ

[عز العرب]

:::: يسعد ربي صباحكم/مسائكم بكل خير ::::


كلماتي البسيطه واهداء للجميع


الرفيق اللي بأفعاله أسر كل القلوب
حي طاري فعله العالي وحي الله نباه


الرفيق اللي عرفته فالشدايد مب لعوب
يسر الله صبح دربه وفالمسا يسعد مساه


دايم/ن يسأل عن احوالي وقلبه لي رحوب
ضافي/ن خيره علي وراحتي هي مبتغاه



وكل ماجتني مصيبه صار صبحه كالغروب
يطوي اميال المسافه من غلا قلبي معاه


مبتغاه اني على الصحه مثل ما لبس ثوب
وكل همه يسعد الخاطر من هموم الحياه


كيف بوصف شخص بأفعاله وللعليا طروب
طابت ايامه وربي ماحد/ن سوى سواه


في خفوقي دايم/ن أدعيه غفّار الذنوب
يحفظه من كل مكروه/ن ويسعده فدناه




مع تحيات أخـــــوكم/ عـــــــز العرب

هذي القصيده كتبت بتاريخ

10/2/2012

[عز العرب]

يسعد صباحكم / مسائكم اخواني مرتادي سبلة كتّاب الشعر

كلمات بسيطه عسى ان تنال رضاكم واستحسانكم

وهالكلمات شارحه لموقف حصل لي من شخص أثناء التسجيل والتفوه بكلمات خارجه عن نطاق العقل والأخلاق والأدب

بعض البشر ليته انخلق ماله لسان

من شان ما يبلاك و تبلاه و يزن

//

استغفرك يا

خالق الأنس و الجان

وأعوذ بك و الوذ لك كل ما حن

//

شي(ن) سمعته وثار فالقلب بركان

محتاج أفسر و ارفع الصوت و اعن

//

شخص(ن)دخل توه و ملقاه نقصان

سمّعني منه

كلمت(ن) مالــها سن

//

هذا إذا مني لقيته بديوان

خليت نفسي ما اشوفه و لو من

//

من مثل هذا (م)اعذره لأنه غلطان

ماهو بوازن كلمته و الحكي فن

//

بعض العرب حكيه يقّدر بألاثمان

والي بلا منطوق ماله سوى ان

//

دام العقل ميزان فالقول ميـــــــزان

من لا يثمن كلمته يهان و يدن

وســـــــــــــــــــلامتكم أخوكم عـــــــــز العرب

بتاريخ 12 / 6 / 2013

[عز العرب]

يسعد صباحكم/ مسائكم اخواني اخواتي مرتادي هذه السبلة
اقدم لكم كلماتي المتواضعه والبسيطه راجيا ان تنال اعجابكم واستحسانكم

الشعر أحيان من غيضه يبيح
والمراجل حاسبين احســــابها

//

من ضميره حي ماهو مستريح
مستريح اللي (لـ)نفسه عابها

//

ادري انه مايصح إلا الصحيح
في الورا ناس(ن) مظ“ــاني مـغتابها

//

والمديح الحر اذا قالوا مديح
وقفته لامــــــــن وقف يدرابـــها

//

ما اعتلا من ما يحسّب للمطيح
طــايح الهمه ماهو يرقـــــــابها

//

الفعايل جات بالشكل الصريـــح
من خفوق الشاعر اللي جابها



وســـــــــــــلامتكم / اخوكم عــــــــــز العرب

بتاريخ 12/9/ 2011

[عز العرب]

يسعد صباحكم / مسائكم اخواني واخواتي مرتادي سبلة كتّاب الشعرهذي الكلمات من قديمي الجديد وحبيت اطرحها لكم وبدون أي تعديل لانها تحمل ذكرى بالفعل قديمه


آه(ن) على ذكرى بقلبي قديمه
ذكرى اليمه وصارت اليوم تذكار


الهم كايد وان تزايد جريمه
ماريته الا بتالي الليل مسيار


أحباب وتجمعنا علاقه يتيمه
ليل وهوى والسالفة مابها اسرار


اصبحت وأمسيت بغرامه واهيمه
ومايدري انه بالهجر يشعل النار


ايبّهر دلاله ويسقي نديمه
فنجال لو ذاق الصبر منه ينهار


يحسب خفوقي ذاق مر الهزيمه
مايدري انه نهر ويخوض (فـ)بحار


طبعه كذا ذكرى بقايا اليمه
وطبعي أنا اكتب بقاياه اشعار


ومادام بيته وسط صدري يقيمه
ان ضاق صدري ضاقت بصدره الدار


مره سالته ليش تهوى الجريمه؟
قال انت مجرم حب واوعدك بالثار

[عز العرب]

يالله ياللي من ترجاك ما ظام
ياخالق الانسان والرزق بيديه

اتردلي غالي فقدته من اعوام
شلون يهجرني وانا ميتن فيه

في غيبته حالي غدا جلد وعظام
الله وكيله ماحسب قدر مغليه

هدم صروح الحب بالهجر واوهام
مايدري ان الهجر صعبه تواليه

كنت احسب ان الجرح تمسحه الايام
واثر الجروح تزيد لا حل طاريه

القلب متعبني وهايم به هيام
وعن وصل غيره مالقى شي يرضيه

ماكنت احسب الحب همن وآلام
ولاكنت اظنك بالفراق حيل ترميه

اهون علي من الفراق حكم الاعدام
لاتسكن ظنونك خفوقي وتسليه

خذها نصيحه والوعد دوم قدام
من يأمن الدنيا تراها تصفيه

وحتى زمانك لو صفا يوم ما دام
اكسر غرورك قبل قلبك يغطيه



5 / 12 / 2014

[عز العرب]

معلومه هامه لمن اراد الاستمرارية مع من يحب



الوضوح هو اساس كل شي وهو نجاحه فنفس الوقت
الغطاء وان طال به الزمن لابد من ذات يوم ان ينقشع
وتكون المصيبة اعظم

ها نحن اوفينا يجميع العهود والوعود وبكل تفاصيلها الصغيره
كانت ام الكبيرة

بس كنا نظن انهم قادرون على احتوائنا اكثر فاكثر ولكن للاسف
مختبئون خلف اقنعة لا نعلم ان كانت ظنون ام حقيقة

ومع ذلك كنا الوافين المخلصين لهذا العهد القديم وان تجدد
نحاول ان نكتم ولا نعلن للملأ عن اي شي او مستعدين للموت
ورا تحقيق احلامنا واهدافنا

يامن يدعون الوفاء اين انتم !!؟
كم من اسئلة فالمعتبر انها عاديه وتحسبونها
تدخل في شؤونكم الخاصه (اين الحب)؟؟؟؟
كل سؤال نطرحه عليكم تكون اجابته التطنيش
والتحول السريع من المشؤول لرد الجواب الى السائل

نعلم ويعلم الكل من اراد الحب فلا بد ان تكون الثقة موجوده

فلا فائدة الحب دون المشاركة بكافة تفاصيله مع المحبوب




هناااااااا (الخيار لك) !!!!

وانتظر الرد (بالقبول والمضي ) ام (السكون والنسيان) !!

[عز العرب]

تشريف لكل من مر من هنا

[عز العرب]

لا غابت اسباب الحكي ياظنيني
ولّا لمست فـراق مـنك تـألمــت

أصيح بأعلى صــوت ليتك تجيــني
صوت(ن) مداره ياصلك وين ما عمت

ياهيــه يا مـقـفـي ومــاخــذ ســنيني
رجع بقايا العمــــــر ارجوك لاشمت

من عقبك الدنيــــا مــاهي بعيــني
ولّا علــى فــرقـــا سواتـــك تندمت

يــاســاكن بروحــي وممــزوج فيــني
خيالك يصـحي غفوة القــلب لو نمـــت

همّــت جـيـوش من الحنــين تــغزيـــني
وان جيت ابحكي في غيابك تلعـــثمت

ســـرك تـــرى محفــوظ بيـــنك وبـيني
وانـــا عــلى الاســـرار يامــا تكتـــمت

يامــن عشــقـتـك بالله لا تـجـــرحـــيني
هــايم وأردد بالحكــي ويـــــن ما همـــت





19 / 3 / 2013

وســـــــــــــــــلامتكم

[عز العرب]

راح اواصل في طرح القصائد القديمة تباعا