ألا ياصاحبي بسألك عن حرقة تصيب مظلوم
ألا ياصاحبيبسألك عن حرقةتصيب مظلوم
تكوَى بنار ضيم الظلم ولا يقوى على الكتمان
تجرَع هم فوق الهم وتزاحم صدره المهموم
وصار لدمعته مجرى في خدَه الباكي الحيران
تجي ليله يزيح الهم ويخفي حزنه المرسوم
ويزيف ضحكه موهومه تبيَن للشقا ألوان
وفجأة تظهر العبره وتخفي فرحة الموهوم
وترجع حسرته وهمَه على وجه الحزين تبان
مرَه يقنع بحاله ويرضى بحظَه المقسوم
ويؤمن ان هذا الكون بانواع الشقا مليان
ومره ينفجر صبره ويظهر غلبه المكتوم
يبكي ويندب لحظه ويبدي عالقدر عصيان
ألا ياصاحبي بنصحك لو ان الظلم صابك يوم
تجمَل بالصبر واعلم ان الظالم هو الخسران
تجي له لحظه بيصحى ويبدا بالتعب واللوم
ويحرق قلبه بظلمه ويعض اصبعه ندمان
ورد الشينه بالزينه ترى المعروف بس يدوم
تلاقي نفسك ارتاحت وصرت للوفا عنوان
رد مع اقتباس
'
المشاركة الأصلية كتبت بواسطة حبي خالص
