لا تحاول تبتدي عذرك …

[عاشق البوادي]

لا تحاول.. تبتدي عذرك
والله اني منك .. مجروح

راضيٍ في صدّك وهجرك
لا تسولف .. لا ولا تبوح

المشاعر .. ما هي بأمرك
لا ولا قلبي .... ولا الروح

انتزع ..ذكراي من صدرك
دام دمّي .. منك مبيوح

وش يفيد الورد مع عطرك
والامل .. هو مركبه لوح

ماني بقادر … على جبرك
دام روحك.. تبغي الشوح

لكن اسمع شي في خبرك
وانتبه له.. قبل لا تروح

شوف غيري عزّ لك قدرك
وان لقيته فانت مسموح !

[عاشق البوادي]

يسعد مساكم اخواني
جصيده جديده عسى تنال اعجابكم
لكم كل الود .. اتريا ردودكم ونقدكم ..

[غربة وطن]

عاشق البوادي


قصيده خفيفه على القلب ثقيلة المعنى والكلمات ،،، جميل ما صاغ فكرك وحطت به قريحتگ ،، كنت هنا

[عاشق البوادي]

عاشق البوادي


قصيده خفيفه على القلب ثقيلة المعنى والكلمات ،،، جميل ما صاغ فكرك وحطت به قريحتگ ،، كنت هنا

يا هلا فيك غربة وطن
حضورك بين مفرداتي وما خطته اناملك هو الاجمل
دمتي بود ..

[رايق البال]

هلا فيك عاشق ..
نص جميل كما تعودنا والاجمل منه ان تشارك اخوتك نصوصهم ولا تنتظر فقط مرورهم
الف شكر لما نثرته من احساس وصح لسانك لاهنت .. كل الود لك مني

[ناصر الراشدي]

صح لسانك
عاشق البوادي...ابيات جميله
ومعاني جميل...وسياق جميل

[حبي خالص]

نص جميل عاشق
صح منطوقك أخي

[شموس الحق]

عاشق البوادي ... مجروح واللي جرحني غالي .. لك تقديري وتحياتي

[نونتان]

شوف غيري عزّ لك قدرك
وان لقيته فانت مسموح !
في الصميم راااقت لي جدا وقد وصل نبض كلماتك للوريد
تحياتي لك

[صدى صوت]

قصيده جيده اسرعتها بالكلمات القليله التي في كلا الشطرين العجز والصدر ليتها كانت في كلمات اكثر ..
هذا النوع من القصيد يصلح اكثر للتغني به ..
انت واضح انك شاعر لك موهبه جيده فلذلك ارجو ان تتجنب القصايد ذات الثلاث كلمات لتعطي شكلا اجمل وقوة للنص ومعنى انيقا ..
عموما بشكل عام النص جيد ويستحق القراءة ..
تقبل مروري