ودي اترجم لي طواري وهوجاس
واخذ من الابيات سجه مع الروح
في معزل مافيه ما يزعج الراس
هذي ثمان سنين والقلب مجروح
والفكر شارد والمعاليق يباس
ويفوح في صدري هموم كما فوح
صفر الدلال اللي لها الناس جلاس
امشي على درب المقادير وانوح
ويهيض وجداني ليا هب نسناس
سبة ظروف تجهد الحال وتروح
وتترك مواجعها على القلب حراس
تعبت وانا اشيل والوقت مشفوح
يطوي سنيني دون رحمه ولا احساس
كني غريق شاف موته على لوح !!
تلعب به الامواج ما صابه الياس
ابني من الاحلام بنيان وصروح
احلام ورديه غدت مالها ساس !
واطرد سراب اللال واخيلها دوح!
مثل الذي فالدهر للسيل عساس !
وازيف الفرحه سواليف وامزوح
وامني الخاطر بلا باس.. لا باس
تدري وش اللي يقهر القلب والروح ؟؟
انك تعيش العمر محتاج للناس !!
رد مع اقتباس
