الصين عايف تالي الوقت سوره
مابين طق وطرق ... نبره وصوره.
بانت على الشاشه معاني كثيره.
الصين عايف تالي الوقت سوره.
والسور شامخ لو لياله عسيره.
الليل لو يطلب من الصبح نوره.
شفنا الحقيقه.! تلبس القلب حيره.
ونشوف ناس ٍ بين ثوره وعوره.
ونشوف ناس ٍ في مجالس سفيره.
رغم العلاقه ..! والقيم والمشوره.
شفنا عوجها .! بين حيره وخيره.
فلاّح متجاهَل...! ويدفن بذوره.
ينثر حبوب القمح لاهل الشعيره.
وفلاّح شاور في معانيه ثوره.
ويش النتيجه .! دام ثوره شويره.
مخدوم ياقلبي .... رداته سطوره.
والخافي اعظم لو تبان السريره.
صديت عن طرد التودد وجوره.
شمنا شموخ ...! وبالمعزه نديره.
بكره يرده لي ..... زمانه بدوره.
مع الصغيره صاغر ٍ والكبيره.
كم مسلم ٍ تهوى عيوني حضوره.
وكم قايم ٍ مشحون حقد ٍ وغيره.
لو صام قلبه وانكتب له سحوره.
يفطر على ذنبه ... بعز الظهيره.
الطيب باقي بالصدور الصبوره.
واهل الردى تلقى لها اليوم ديره.
..
للشاعر: صالح بن عمار
رد مع اقتباس
المشاركة الأصلية كتبت بواسطة اطياف السراب
