((((( يا مــــــــــــــن ذبحت المحاني )))))

[نسر البوادي]

يا من ذبحت المحاني من غلاك الجموح
مرابطك في خفوقي ليه .. خليتها !!

نسيت مفلاك في ضلع الغلا والسفوح
اللي على طارف اضلاعي تخطريتها

فوحت دلة غلاتك .. والمشاعر تفوح
وبن الهوى يحيي الاذهان ويميتها !!

وصبيت لك من بهار الطيب ( فنجال روح )
ونثرت صبة يميني .. يوم مديتها !!

اوجعتني وانت ما تدري .. لو انها مزوح
وفهمت وش مقصدك منها .. وقاسيتها

يا ليت جرح الهوى لحظات عقبه يروح
ما كان نفسي على فرقاك .. حديتها !!

عواصف الحزن هدت من جفاك الطموح
في كلمة (ن) لا وصلت إلها .. تعديتها !!

أسكت الحزن فّي .. وتنطق العين بوح
حسبي على دمعة لرضاك هليتها !!

خلاص باح العزا لو كان قلبي سموح
يا أولوآخر أماني قد .. تمنيتها !!

الحب ماهو بغصبا !! تبغي تروح روح
ذبلت ورودالمشاعر وأنت ما اسقيتها

قد قلت لك .. والقسى في عين صدك يلوح
حدك معك بالجفا .. وما كنك اوحيتها !!

مبدا المحبه غرام ومنتهاها جروح !!
هي هكذا .. تجربتها .. يوم عانيتها !!

ما كنك اللي عرفته !! يا الغزال الذبوح
حيرتني باربع اشياء .. ما تهقويتها

( حبك / وداعي غلاك / وغيرتك / والوضوح
ماتت من الحزن ولا وين وديتها !! )

ان رحت عنك تجي .. وان جيت يمك تروح
يا تنهي المسأله ولا ترى انهيتها !!

كرامتي مالها .. إلا استاذنك بالنزوح
فإجمع خطايا الغرام .. وشب كبريتها

[ايس كريم]

انتقاء مميز وراقي
رائعة وأكثر

[نسر البوادي]

ايس كريم تسلمين مرورك اسعدني ياذوووق

[ツઇ قلبٓ طِفلَةّ ઇ]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ

[نسر البوادي]

دموع تسلمين عزيزتي مرورك اسعدني ياذوووق

[حبي خالص]

ياااااااااااااااااا سلام على الابداع لاند
اختيار ولاااا أروع
يعطيك ربي العافيه أخي

" نص يستحق النجوم الخمس "

[نسر البوادي]

تسلمين عزيزتي اختي حبي خالص مرورك اسعدني ياذووق وشكرا لتزيينك الصفحه بالنجوم الخمس

[مجنونك ما يخونك]

[رايق البال]

هلا فيك لاند ..
لا جديد عليك هذا التميز والتألق الدايم
الف شكر لجهدك واختيارك وتفاعلك الجميل .. كلك ذوووق

[الرميثي]

نص رائع
يسلموووو اخي ع الكلمات الراائعه ..
يعطيك العاافيه