اسافر من عنا الواقع على جنح الامل والشوق
تخيلتك معي راكب واسولف لك عن الاشواق
على فن الطرب نسمع مقالاتك بكل الذوق
واشيد بذوقك اللي قد برز عالي على الاذواق
على جال الربيع اتكي ونفسي قد غشاها توق
اخذت من الخيال ارسم لك الصورة وانا تواق
ارّكب صورتك فوق الزهر والغصن صار السوق
جمال العود في ذاك الورد غطى على الاسواق
حلفت إّلا أناظر صورتك عند المغيب وشروق
لاجل امحي خطاء من صورتك وتصير لي اشراق
واشاهد فل مرصوص على راسك مشكل طوق
بياضه فوق بيض الوجه مع بيض الخدود اطواق
اذا غاب القمر ما بان نوره والسحب له عوق
يبين النور من وجهك ما يخفى ولا ينعاق
على كل البشر تبقى غلاتك ما يجيها موق
وقدري في عيونك ما يصيبه كره واّلا ماق
عقب رحلة سفر ما ضنتي منها الفؤاد يفوق
مثل قلبك من ابيات القصيد السابقة ما فاق
صحيح الحب مراسيله كثر يعرفها كل معشوق
ولكن شعر يبقى حبل ممدود للعشاق