خبر عاجل وحصري : وين قابوس؟!
لاجيت تسأل يالغلا وين قابوس
وسط القلب والعين هذا مگانه
رجلاً گسب شعبه وطابت له انفوس
وقاد الوطن هذا بحكمه ورزانه
له بالوفى والطيب واقع وملموس
ويحفظ حقوق الجار..لا يوم خانه
طيب ومعزّه والوقر ثوب ملبوس
وقصيرنا ما جاه منَّه إهانه
بالعزم يكسب فالعلا كل ناموس
والصبر ما غيره تملّك عنانه
يمشي على خطه وَله نهج مدروس
ما حدَّ مثله يشبهه في زمانه
قابوس حبّه داخل القلب مغروس
واحساسنا صوبه نَحسْبه أمانه
يحق به نفخر ونرفع به الرّووس
عندي على قولي شهود وضمانه
عسى دياره بارد النّود والكوس
تسري على قلبه بخفّه وليانه
ياللي على المسرح ولو كنتوا اجلوس
انقووم لعيونه وكلّه عشانه
لاتنشدوني حيل مشتاق قابوس
في ذمتي شووقي عظيم ل كيانه
گ : ياسر بن حمد بن عبدالله التبعي
رد مع اقتباس
'
المشاركة الأصلية كتبت بواسطة um eram
