قلبي على جمر المحبه يناديك
يصيح له عامين مما جرالي
يشكي من اسباب المفارق ويشكيك
يشكيك ياخله ويشكي الليالي
عزاه ياوقت مضى نلتقي فيك
نسهر على وجها طغى بالجمالي
اجلس معك وايدي مابين اياديك
نضحك نسولف لاحشى مانبالي
اذكر ظلام الليل شعر يغطيك
واذكر عيونك ياعيون الغزالي
واذكر اقول اني من القلب هاويك
واذكر تقول اهواك ياراس مالي
واذكرك تزعل ياهوى البال وارضيك
وليازعلت تهل دمعك رضالي
لاشك طال الوقت واقفت لياليك
وتقطعت عروات حبل الوصالي
واصبحت اشيل الهم واشكي واناديك
ياصاحبي الله يرثى لحالي
قلبي على جمر المحبه يناجيك
عود ترى دمعي على الخد سالي
رد مع اقتباس
