قصيده اعجبتني واتمنى تنال على اعجابكم ،،
سهرت أدوّر ألحان القصيـد ونمـت مـا غنّيـت
ملى صوتي شجَن وأفلت لسانـي حبـل تعبيـره
حرمت الجفن من طعم النعاس ورحت ما خلّيـت
لـ/ شعري .. غير حلمٍ من عرفته صعـب تفسيـره
يا عجز البيت قم داو الجروح اللي فـ/ صدر البيـت
أبيـه يطيـب بعيـش الشعـور بـدون تأثيـره
تعبت أحايل إحساسي يفارق صمتـي .. وملّيـت
ما أبي لـ/ إلشعر سيره دام مالي فـ/ الهـوى سيـره !
حبيبي لا بكيت من الوصال اللي مضـى وأبكيـت
غـرامٍ ضايقـه حـزن الفـراق وشـلّ تفكيـره
تذكّر ..! كل موعد جبت لك شوقـي معـاي وجيـت
وتذكّر ..! كـل غيبـه بيننـا لـو كانـت قصيـره
وتذكّر ..! كل نظره من عيونـي يـوم قلبـي ميَـت
وتذكّر ..! كلمة أحبّك بخوف ودهشه وحيـره ..!
أحبّك كثر ما سوّيت نفسي ما أعشقـك وأخفيـت
كـلامٍ ظاهـره شـوق وهيـام وباطنـه غِيـره
أحبّك كثر ما حاولت أشتـت وحشتـك وأزريـت
وأحبّك كثـر مـا سرّانـي الشـوق فـ/ مشاويـره
وأحبّك كثر ما شيّـدت لـ/ جروحـك فـ/ قلبـي بيـت
وأحبّك كثر ما أخلصت لغلاك .. وكثـر تقصيـره
بغى قلبي يفضفض لـ/ إلزمن عن وضعه .. وعييّـت
أنا عاشق ليامن ضاق صـدره / صـكّ أزاريـره
أخاف يلاحظ الفرقـا بوجهـي " عـاذل " إن مرّيـت
وتكبر ضيقتي من عالـمٍ فـي عينـي صغيـره
فمان الله وسامحني على النسيان كـان أخطيـت
بعيش فـ/ ديره وطاري الهوى والعشق فـي ديـره
عطيت الحب قلب ونبض صادق بس وش سوّيت ؟
عطاني الحب هجرانك وبُعـدك لا كِثـر خيـره !
يا ليت الحب ما يرسم فـ/ عيني وجـهَ مـن حبّيـت
عشان إليا رحل عنّي حبيب .. أحب لـي غيـره
\
رد مع اقتباس
المشاركة الأصلية كتبت بواسطة رايق البال
