رسمـت لـك فـي داخـل الجـوف لوحـه
مضمونهـا بسـتـان جــوري وريـحـان
مـن شافهـا بيـقـول يــا ويــش نـوحـه
يكسـر ضلوعـه لجـل تشكـيـل بسـتـان
مـا يـدري إنـهََ رمـز تصعـب شروحـه
مــا يفهـمـه لــو كـــان نـاقــد وفـنــان
مــن يـدخـل البسـتـان بيجـيـك نـوحــه
تسمـع تناهيـده وهـو بيـن الأغـصـان
هذا جذبه الورد ... واقبـل .. طموحـه
يقطـف مـن ألجـوري ويهـدي لـخـلان
وهذاك الآخر.. جاك . مرخي جموحه
يشـتـم لــه ريـحـان ويـجـاذب الـحــان
وهــذا مــعَ هــذاك مــن كـــن بـوحــه
أبـدى لـه إلـي كنـه اشهـور و أزمـان
وأعطاه ورد .. وقال : منك السموحه
اغفـر صـدودي والـذي كـان قـد كــان
ولا اعتبرهـا مـزح .. مـا بـه ملـوحـه
وأنسى ترى النسيان من باب الإيمان
شفـتـه عـقـب مــده يـضـمـد جـروحــه
ويجفـف الخديـن مــن دمــع الأعـيـان
هــذا جـزاتـه تشـتـعـل فـــي سـفـوحـه
نــار الخيـانـة دامــه إنـســان خـــوان
دام العـذر مــن بــاب خـذهـا مـزوحـه
مــزح وتغـلـي كــل الأمـريــن سـيــان
هــذا مـثـل وان كــان دقــه وضـوحـه
ما هي تفسر ما رسمتـه للاذاهـان ؟!
ابختصـر .. بستـان فـي وســط لـوحـه
بـروزتـهـا بــيــن الـحـنـايـا بـشـريــان
مــن يــارد البسـتـان فـانــا نـصـوحـه
ما فيـه شـيء زيـن مـن دون نقصـان
ومن يقطف الوردة لجـل شـف روحـه
ما ظنتي بيضيق من شـوك الأغصـان
رد مع اقتباس
المشاركة الأصلية كتبت بواسطة ترانيم نجمة
'
