انا قلت بــ غـيابي عـنـك مـا مـرت عـلي ذكراك
ولا قلت بــ غيابي مـرت الــذكــرى وانــا لاهي
شوي .. شوي والا اسكت وعاتبني بدال اشفاك
بـعـيـنك وانـتـبـه لا ينتبه طــرفـك وهــو ســاهي
حــبـيـبـي وانت فـي قـمة زعلك وثورتك محلاك
اتّباهى بــالـزعل مــدري هــو اللي فيك متباهي
ولا احلى من زعلك بكل هالدنيـا يــا كود رضاك
ولا احلى من خطاك الا ارتعاشة عذرك الواهي
ولا احدٍ يشبهك عندي سوى دمعة ضماك وماك
وانا في حبك افرق حتى انا ماني مـن اشباهي
لو انك ما قريت الشعر ما صار الشـعـر يقراك
لو انه ما زهاك الشعر ما صار الشعــر زاهي
" احبك " كلمة ضاعت من اشفاهي قبل ما القاك
ويــوم اني لقــيـتـك صار ما بـــ شـفـاهي الا هي
اذا ما قلت لك في يوم " احبك واعشقك واهواك "
احس اني جحود لخالقي في نعمة اشفاهي
واحبك جنبي هــنـيـّا , واحبك لو نزحت هناك
واحــبــك سيدي ومقــيدي والآمر الــنــاهي
ابيك تقول ابي هذا .. واقول ابشر بهذا جاك
اذا ما كان " هذا " عز نفسي فالطلب راهي
وابيك تقول لــي كــل الــكــلام الا كلام انساك
" ابنسى " حلم ياهو مستحيـــل وكلمةٍ ياهـــي
تبي تعرف حبيبي ليه ما مرت علـي ذكراك
لأني ما نسيتك يـــوم حتى اذكرك لاهـــــي
رد مع اقتباس
المشاركة الأصلية كتبت بواسطة كل الحكايه اشتقتلك
!
