يا مل قلبٍ ضاق مـن حـر مافيـه
جـــر الـونـيـن ولاحـــدٍ فــاطــنٍ لــــه
علـى الــذي اقـفـا وعيـنـي تراعـيـه
راح وخـتـم قـلـبـي بخـتـمـة سـجـلـه
مـا يـدري ان الـحـب شـيّـد مبانـيـه
ولا يـدري ان الشـوق يرثـي محلـه
اراقـــب طـيـوفـه واتـابــع خـطـاويــه
واصد عن جرح الحشا حشمةٍ له
واسامـر النجمـات واللـيـل أسـرّيـه
مابين صمت وبـوح والدمـع اهلـه
واعاتـب حـروف الغـلا يـوم ترثـيـه
واطــوي غــلا ذكــراه وارجــع أفـلــه
طالـت عـلـى قـلـب المعـنّـا ليالـيـه
والـريـق يـابـس والـضـوامـي تـبـلّـه
يـا وجـد حالـي كـل ماصحـت لبيـه
لبيـه يـا سـارق غـلا القـلـب كـلـه
ماغيـرك اللـي شـرّع القلـب بيديـه
ولا غيـرك الـلـي شــد قلـبـي وتـلّـه
يـا عاذليـن القلـب ليـه المشـاريـه
وقـلـوبـكــم رجـــــم الـمـعـنّــا تـــدلـــه
لو تكثرون القول مـا بـاح خافيـه
ولا بـاح مكنونـه علـى قلـب خـلـه
ومـا دام راسـه حــي والله معافـيـه
أنـــا بـخـيـر وضـيـقـتـي فــــدوةٍ لــــه
رد مع اقتباس
