لاتواسينـي بتصغيـر الالــم
دامه بعيني وبأحساسـي كبيـر
قلي اني اكثـر انسـان انظلـم
وانك بتبقـى بصفـي للاخيـر
لاتعاتبني علـى دمـع ونـدم
لا تطلعنـي بهاللحظـه صغيـر
افهم احساسي ترا محـد فهـم
اني اكبر من شقا عمري كثيـر
كم عظيم صار من جرح وعظم
ياما كان الجرح دافع للمصيـر
ماحد من لوعـه الدنيـا سلـم
بس يفرق بعد هالجرح وش يصير
خلني اشكي واعبـر عـن الـم
لا تقول اضحك انا توي كسير
ابتسامه مالهـا عنـدي طعـم
وش يفيد الكحل بعيون الضرير