يسعد صباحكم / مساكم
هلا بالجميع ...
لقاء آخر متجدد يجمعنا احبتي واتمنى ماراق لي يروق لكم ..
كل ما سهرت الخفوق | تقول لـ اجفاني :
نامي, وكّن صوتها | خانقته العبره ..
الليل ~ ضيف(ن) وكاد انه | تقهواني :
والهم , لا دق بابي " وش هي الدبره " ؟!
وش حيلتي ؛ لا ذكرت انه,
" ت ن ا س ا ن ي " !
وش حيلتي لا بغيت انساه | وانتظره ؟!
اقفا , وجرحي ( هنا ) فاتح له احضاني
و اغفا ودمعي, نفد من ضيقتي صبره !
ما شفته اشلون / خان وبلّل | اوجاني
و أغرقني اليا اقتنعت البُعد له ~ سكره !
حبيت و ادري :
.................... بـِ ينساني بـِ ينساني
و آزريت, لـ انسى | بقايا صوته و عطره !
عامين .. و أحس بأني فاقد | اوطاني ..
و أبحث عن اوطان, للـِمنفى وللـِهجره !
منفي الى : دفتري والسّبه ‘ احزاني
منفي الى : هآمش ‘ العشآق | و لـِ بكره !
( الحلم وحده ) بقى وافي : على شآني
مثلي رماد - واماني جيّته | جمره !
لو قلت : " عوّد " اخاف ؛ يعود | يلقاني
بيني وبين .. الوفاة ( ارق ) من شعره !
والموت ما هو غياب انسان عن : ثاني
الموت يعني وفاة شعوووور يَا .. طهره .. !
يا ليتني لا كتبت حروف .. اقراني
قبل الامل مَا يغيب : ويختفي | حبره !
كنّي طفل تايه(ن) في وسط : وجداني
وكّن الحزن ( قش .. ! ) وامآل اللقاء ‘ ابره !
مني وعد ياهواي ان الله احياني
لـ اعيش لكن بدون :
[ احب | او اكره ] !
ما عاد بي حيل, هذا الليل | اعماني
عذراً انا يا [ الخفوق ] مطوّل السهره !
أرجوك .. خلي الحنين يعانق ~ اجفاني
والصوت هذا | ابد لا تخنقه, عبره !
اخوكم / رايق البال
رد مع اقتباس
