غرامك شي وانتي شي ثاني
عجز يوصف مدى حبك لساني
احاول بس ماقدر من حلاتك
اعاني والحروف ايضا تعاني
مكانك في عيوني وتحت رمشي
وانا مدري بحياتك وش مكاني
ابيك الحاضر اللي يحتويني
وابيك الماضي اللي ما نساني
اذا هجري يحقق لك سعاده
رجيتك تبتعد عني عشاني
وليش انضيع العمر بحكايه
انا احبك وحبك ما شفاني
زعلت ..! ولا زعل وقتي عليه
صبرت وليل صبري اشتكاني
طمعت بصدرك الحاني وعطفه
ولا حصلت عطف وصدر حاني
اسير بدنيتك وانتي اسيره
سوالف حلم وكذوبة اماني
صغيره بالهوى توك صغيره
علي حزن الولايف والتفاني
ادور من ورى الاحزان منفي
لقيت ان الفرح قبلة تفاني
تعبت اشد وارخي في المحبه
وصار الحكي حكي بلا معاني
وفالاخير وقبل ختم القصيده
وقبل الشعر يجفى ويعصاني
غرامك شي وانتي شي ثاني
عجز يوصف مدا حبك لساني