كيف أطفي الريح بثيابك وكيف اشعلـك
كيف اتنثر على جمرك وكيف احتويـك
نقضت ليل الحرير وجيت ما انت لهلـك
سميت باللي فتني بـك وقلـت ابتديـك
هذا اول الدرب اوهـذا الطريـق اولـك
جيت اتوقا عذابـات المـدى واهتديـك
شوقي مسافة وهمساتـك مـدار وفلـك
ان ماضميتك غلا ياعلني مـا ارتويـك
اية اعرفك واعرف اني من غلاك اجهلك
مرات اضمك واخاف اني مشبة عليـك
مرات اشوفك بنفس الوقـت واتخيلـك
وانشد كفوفي عن اخر سالفة من ايديك
اعن لك لـو تصـب المـوت واتهيلـك
واجوع لك واتمنى خنجـرك واشتهيـك
ماقلتلك عمر سيـف العشـق مايقتلـك
ماتشوفني حي قدامك وانا امـوت فيـك
اشتقتلك قبل اجيـك وجيـت وشتقتلـك
البارحة طول ليلي بيـن هـاذي وذيـك
مليت جمر انتظارك واستحيـت اسالـك
واحسبني ما بعد جيتك وفكـرت اجيـك
اثرك بقلبي من البارج وانـا استعجلـك
واثري نسيتك من الفرحة وقمت احتريك
رد مع اقتباس
