~ كيف صرت الظالم اللي منت بادي
ما كبرك الشووق قلي من كبيرك ؟
ما عرفتك من غدا لونك #رمادي
وانا واقف بين اولك واخيرك . .
قلبي اللي انحاز لك ليته حيادي !
عيره اهتمام مادامه يعيــرك
والله احبك ؛ احبك ! حب هادي
حب ارق من العطور اللي بحريرك . .
اعرف اسمك بس مدري وين انادي !
انا صوتي سر قطيته في بيرك "
البشر في وادي وانتْ بفؤادي♡
لا يضيق بك المكان ولا يضيرك . .
ولا تواخذني ولا تاخذ عنادي
( انا لو فكرت انساك #استشيرك )
من كبر قلبي عرفت انك مرادي
جيت ابي اتملكك ما استعيرك . .
جيتني شايل عذر فوق الايادي
كانك اللي في يدك شايل صغيرك
#انت_تكذب وانا ادري بس #عادي
#انت_كذبك عندي ولا صدق #غيرك " . . .
.
رد مع اقتباس
!
