حلفت أرقص النرجس على لحن الندى المجنون
حلفت أطبّع القمرى على كيفي وبأطباعي
جنوني سري الشايع وعقلي جرحي المدفون
ذكرتك أو تناسيتك سوى دامك من أتباعي
بدايه مالها معنى , نهايه مالها مضمون
عبت أشقلب الدنيا وأعدل فيني أوضاعي
نسيت أقول لأيامي ( على هامان يافرعون)
نسيت أوقف الغربه وأدورها على أصباعي
هلابك دامني مثلك كسير وميّت ومطعون
تعال اسكن معي صمتي ولا تنشد عن أوجاعي
تعبت أقول أنا أعمى وغيري له ثمان عيون
كفا لا تنبش بجرح ٍ يقرّب لوية ذراعي
حبيبي والشقا حاصل ولا تسأل شقا وشلون
عذاب إن عشت في قربك وموتي فلـّة شراعي
نعم قد قلتلك بأبقا معك واللي يكون يكون
وشفني قدها ماقلت لك يابعد مرباعي
نبت مثل الشجر جرحي غدا كلي ورق وغصون
عرفت إنه سخيف اللي يحاول ياصل إقناعي
أجل وشلون أبنسى الجرح وفهد عافت يعيش بدون
حرام الوقت يكتبنا قصايد مالهاداعي
وأنا يوم الشليل اللي جمعنا علقته سنون
كتبتك حلم لا جاني دريت إني معك واعي
رد مع اقتباس
