.*
صدق " 40 " من الشبه يخلق الله
. . . إلا انت " 1 " دون " 39 "
من يشبهك يا مالك القلب كله ؟
من يشبهك ياسيد كل الملايين
" 1 " و طير خافقي من محله
و شلون أجل لو فيه " 39 " ؟
.*
لا صرت أدوّر للأمل . . . أيام : ما فيها جفا
قل لي : وش أسوّي لصبرٍ كلمته " ربك يعين "
عطني مبرّر للضياع . . . / و همّي اللي ما غفا
و الضيقة اللي كل ما أخفيتها : ترجع تبين
تعال شفني لا ابتدى الليل و أيقنت
اني بعيش الليل . . . وحدي " بدونك "
أضغط على [ الفارة ] و أطقطق على النت
أقرا قصيد الناس . . . و أذكر عيونك ،!
.*
سفر . . . سفر . . . سفر . . .
للليل . . / للجرح القديم ،
للذكريات و للسهر
للبرد . . / الثلج . . / المطر
خذني إذا ودك تروح
محتاج بالحيل : لسفر
الدمعه بعيوني جواز
و جروحي " تأشيرة سفر "
.*
كيف أبين لك غلاك ؟
و كيف أوصل لك كلامي ؟
و الحيا قاطع طريق و لهفتي صوبك قوافل ،!
.*
تدري وش " أكبر " جرح ما يقواه صدري ؟
جرح السنين اللي عطت غيري : مكاني ,!
.*
وين أودي " وجه صبري "
عنك يا وجه [ الحنين ] ؟
.*
أنا لا ضاقت بي الدّنيا تجيني حالة [ ا س ت ه ب ا ل ]
. . . . . . . أشوف الأرض فوق الغيم و الأوزان مختلة ,!
.*
أذكر : أنا قبلك كنت فاقده حاجة
لقيتها " فيك " و انت الحين : فاقدها ,!
.*
من عرفتك ما عرفت إلا الأمان
و الا أنا قبلك أدور لي [ وطن ] ،!
.*
مسك كتفي وهو يهمس : تراني في غيابك صمت !
و حضنّي و انفتح دفتر " دموع " من شهر مقري
نزعت ايده . . و نفضت اللي بلبسي من " غبار " و قمت
و خليت الذي يبكي ورا ظهري . . ورا ظهري ,!
.*
[ قلبي ]
اللي بين . . كفينك : مماته
ياخي هاته !
ماني خايف من / نزيفه
بس خايف من " شماتة "
كيف لا مرّوا و قالوا :
كل هذا النزف ليه ؟
ويش أقول ؟
. . | مات من حرصه عليه ؟
ياخي هاته ،!
.*
ماهي بسيطة [ صدتك ]
بس لا هنت ،
إن شفتني في درب
جنّب طريقه
تراك مهما كنت . .
أو كنت أو كنت
عندي تساوت كلّها
و بحريقة ،!
يمكن عشاني طيّب شوي
خمّنت :
ان الغلط من شان عينك
بطيقه
بالعكس تغلط كان منّي
تطمنّت
أصدمك ؟ ممكن بس
هذي الحقيقة
مثل الغلا يوم اني بقلبك أمنت
تجي أحاسيس " احتقارك " عميقة ،!
.*
على طاري هذاك الباب
و جرح أقراب . .
و دمعة / طاحت / تسولف
من الضيقة و " أشق ثياب "
أنا : ما أهاب ،!
و قلبك ما " يهاب " الموت مثلي
أجيك [ أحباااب ]
تجي واحد شرب / فنجال قتلي
أصك الباب
. . . . . تفتح باب ،!
تبيني للجروح أحكي :
عن جروحي و عن روحي
و أبكي ،!
ليه ما أبكي ؟
ما دامك [ للدموع أسباب ] ,!
.*
ما أبيك تستغرب ان صار الحزن هادي
البعد واحد ولو تكثر : تفاصيله
يا صاحبي لو ضحكت من الحزن عادي
ما عاد باقي حزن يستاهل أبكي له ,!
.*
ان رحت . .
تلقى لك من الناس خلان
و ان جيت . .
ماني قايل ويش جابك ؟
أحيان أحس اني بحاجتك و أحيان
من جد أحس اني بحاجة غيابك ,!
رد مع اقتباس
!
