أنا بدوي واحب طاري البداوه ..
يامعذربين البدو مافيكم احساس*
قالو بدو قلت الصفى والنقاوه ..
يازين شوفتهم على الضوء جلاس*
قالو بدو قلت الكرم والنخاوه ..
وافعالهم فى ذمتى ترفع الراس*
قالو بدو والبر فيه الشقاوه ..
قلت الوناسه عندهم فوق الاطعاس*
قالو بدو ونشوف فيهم قساوه ..
قلت الخشونه يامعذرب لهم ساس*
ابن البداوه صلف ما به رخاوه ..
اليا زهمته جاك ماهوب يحتاس
بينه وبين الاش حرب وعداوه ..
وحلفه مع اهل الطيب والاش ينداس*
شف لك من البدوان واحد وخاوه ..
حتى تفرق بين مطلق وعباس*
وان كان ما صدقت عالج وداوه ..
قالو بدو قلـت الكـرم والنخـاوه ...
قلبك مريض وفيه حقد وسواس*
فى مجلس البدوان تلقا حفاوه
وترحيبهم لضيوفهم ماله اقياس
ويقدمون الطيب من عود جاوه ..
في سلمهم طيب ومعزه ونوماس*
هذي فقط نبذه عن اهل البداوه ..
حبيت اوصلها لاجل تاصل الناس
رد مع اقتباس
المشاركة الأصلية كتبت بواسطة بقايا طيف
