ياليتني طفله تلاعب شعرها
تحت المطر ماتحمل بوقتها هموم
تعبت اعلّم نفسي انه قدرها
وان الفرح في دنيتي مات محموم.!
-
أنا السؤال اللي رحل في شنطة المنفي وطن
وأنا الجواب لكل سؤالٍ جاد به فاه اليتيم
وأنا الدموع اللي تدور عن كفوف وعن حضن
وأنا الجنون اللي نفاه العقل وأصبح له غريم
وأنا البلاد اللي غرقت في همها وماتت مدن
وأنا الولود اللي أنجبت من وقتها جرحٍ أليم
وأنا الفتاة اللي رفضت في حلمها طعم الوسن
وأنا العطر أسكب لهم من سوسن أنفاسي نسيم
وأنا المواني اللي على شطآنها يرسي الشجن
وأنا الحبيب اللي غدى وصله من أحبابه عديم
وأنا أنا ضيعتني وبعضي على بعضي يحن
مثل المطر أرويتهم من غيمي وزرعي هشيم
في ضعفي قوّة بي رقت درب المعالي بلا وهن
وفي قوّتي ضعفٍ سجد وبوجنته ذنبٍ عظيم
حزني نبيل وانتمائه لأرض تهدي له كفن
سافرت بدروب الشقا وأسرفت بي ووقتي كريم
فقري غنى لوّه عجز يبدل ثياب الحزن
وغناي فقر ومعه أبلل خبزة أحلامي بديم
قطفت من ثمر الشقا وأطعمت أهداب سهرن
سريت وأهداني الطريق العثرة وليلي عتيم
ياقلّني لا جيتني أبحث عن أفراحٍ غدن
عهدي وأنا طفلة بها أوااه يا عهد النعيم
وياكثرني لا قلت منفيّه وأيامي قسن
كل المنافي لي وطن والحزن بأوطاني زعيم
تمرّني ذكرى حبيب بـ تربة غيابه دفن
أنثى تحن وفي دفى أنفاس غايبها تهيم
في غيبته حسّيتني أطوف والذكرى وثن
حلو الليالي تمرّني وأمرّها مثل السديم
ياكثرهم حولي ولا غيره حبيبي بي سكن
موشوم حبه بالخفوق ولوهوى غيره أثيم
طيفه يشارك كحل عيني اللي رسمته للحسن
ومن غيبته سال ورقى للعين موجوع وسقيم
أذنبت في حبه ويا ليته يعاقبني بـ سجن
حبٍ مؤبد داخل ضلوعه وحكمه مستديم
محتاجه لوصله مثل حاجة مواطن للأمن
وأحتاج يلملم غربتي واحتاجه بقلبي يقيم
أبيه يحضن حاجتي ياااهي من غيابه تونّ
يغيب وأفقدني أنا والشوق لا جمّر رجيم
تعال واسكب لي حنانك في عروقٍ ما رون
تعال ودّي بالسهر في ليلك وجوٍ حميم
تعال يالمعني بـ أنا من روحك ابني لي حصن
تحتاجني أنثى وطن واحتاجك لروحي نديم!!
-
من الماضي طرق باب الحنين البارحه عصفور
نفض جنّحانه وطاحت بعض ذكرى على أهدابي
تهندمت السهر واشعلت من ضلع الثواني نور
وحضنت الذكرى بيدين التعب واختنقت ثيابي
وثار العمر في نبضي عسى مافاتنا معذور
شهقت وجاوبت عيني تصب الحسرة باكوابي
يحزّ بخاطري حلمٍ رسمته في حنايا السور
ووصيت القدر يحيي عروق الحلم بغيابي
كبرت وزارني حلمي عقيم وخاطره مكسور
يقول إن القدر عيّا يدق بفرحته بابي
لو إن أحلامنا تشبه حقيقة وقتنا المذعور
ما يمدي رحّبت باشيائنا ترحيبة اعرابي
ولو للواقع إحساس وحزين ومثلنا بشعور
ماكان امطر بحرمانه عليّ وبلّل ترابي
ياحلم الماضي اشـ جابك ترى بحر الأمل مسجور
وترى وجه الحقيقة كذبةٍ تشبه لاصحابي
أمانه خذ جيوشك وانسحب من حاضري المغمور
ترى وجودك بعد هذا العمر فتنه على اعصابي
ياليتك جبت من رفّ الطفوله حالي الميسور
فساتين الشغب
خلخال
دمية
شي من العابي
وليتك ماصلبت الليله بكف السهر عصفور
نفض جنحانه وطاح التعب واستوطن اهدابي.!
مريم الزعبيَ'
رد مع اقتباس
المشاركة الأصلية كتبت بواسطة رايق البال
