اسمع ياهوى بالي ياحلي وترحالي
لا تنــشد علي حوالي وانـا طيب وبـخـير
دامك تتصل فيني وعلومك تسليني
ومن الناس مغنيني فانا فى بوادرخير
يا اغلي ما خلق ربي ياجرحي وياطبي
ليـتك تدري بحبي يمكن تنتهض وتطير
عجل ودي اشوفك لاتشكي لي ظروفك
ساعدني بمعروفك واقبل لي وحث السير
صقارك يلوح لك مالازم يوضح لـك
متى الوقت يسمح لك قبل اني عليك اغير
ـيابـو عيـون قتـالـه هذه مـاهي بحالـه
الاعذار بطـالة لو معها مـية تـقريـر
زين الصوت والصورة والله مالها جورة
كل يشرح شعورة ونسولف سوالف غير
واترك طاري الفرقا وارقا للسماء الزرقاء
دام ان حبنا يرقى خل الشك والتزوير
واليا فاضت اعيونك من ناس يعـذلـونك
واصلني بتلفونك واتركهم بلا تبـرير
واقبل صادق حروفي من جدي ومن جوفي
وان كانك تبي شوفي مايحتاج للتاخير
رد مع اقتباس
المشاركة الأصلية كتبت بواسطة اهلي ملاذي
