. . . . ( مأسَآتي)!

[أمآني!]

عادي أزعل ..!!
ابكي .. عادي ..!!
أحترق .. اشتاق .. عادي ..!!
حتى لو تذبل غصوني ..!!
وتفقد الفرحة عيوني ..!!
وإلا أقولك ..!!
لو أموت بحبي عادي ..!!
بس جرحي في شعوري
واتهامي في غروري ... للأسف ما كان عادي ..!!!
.. .. .. ..
أنتي ما حسيتي فيني ... إني لي نبض ومشاعر
خنتي أشواقي وحنيني ... وانكسر في صدري شاعر
ماكتفيتي في جروحي ..!!
للأسف دمرتي روحي ..!!
وكنت أقول تمون .. وعادي ..!!
بس جرحي في شعوري
واتهامي في غروري ... للأسف ما كان عادي ..!!!
.. .. .. ..
كل جنون الشوق فيني ... كان غلطة حب شاطر
انسي حبي اتركيني ... وإلا يعني مالي خاطر
كنتي كل عمري وطموحي ..!!
شلي صار دمرتي روحي ..!!
يعني جرحي .. موتي .. عادي ..؟
بس جرحي في شعوري
واتهامي في غروري ... للأسف ما كان عادي ..!!!

أبارك لك .. نجاحك .. في تعب صبري .. وماساتي
.. .. .. .. مدام .. إنك .. على حلمي .. تبي تعلن ... بطولاتك

تلذذ .. في .. شقا عمري ... تمتع ... في معاناتي
.. .. .. .. تعال .. إقطع .. شراييني .. تمايل .. وأرقص لذاتك

أجل .. وشلون ... ماتفرح .. وهي تذبحني عبراتي
.. .. .. .. أموت ، من [ القهر ] ! وأصرخ وانا اتحرا قراراتك

كذا ... وألا كذا .. عادي طفت في صدري شمعاتي
.. .. .. .. أنا .. ماعاد .. أشوف ... إلا ملامح .. من تفاهاتك

تبي .. تقضي علي ؟ فتّش.. وقلّب .. في .. ملفاتي
.. .. .. .. تصيّد .. لـ أصغر أخطائي .. وحرر .. في خطاباتك

ألا .. ياكثرها .. عندك ... خطايا ... الوقت وزلاتي
.. .. .. .. تفضل ، سو بي .. ماتشتهي .. عش فـ أنتصاراتك

خطاك .. إنك ... تخيّلني .. بنكّس .. فيك .. راياتي
.. .. .. .. وأجيك أشحذ .. فضل عطفك .. ولطفك من سخافاتك

أموت من العطش ؟ عادي ... وألا غير ... قناعاتي
.. .. .. .. خطأ .. وأكبر ، خطاك إنك .. تصدّق .. في شعاراتك

أنا مثلك ... في هالدوله ... قسم مـ قصر مسافاتي
.. .. .. .. تظن إن ... العقل ... يقبل ... تعاملني .. برغباتك ؟

ياشيخ .. إتركني .. في حالي .. وليه أدخل متاهاتي ؟
.. .. .. .. عساك ... تذوق ... ماذقته ... وتتجرع .. معاناتك

عسى .. الله لا يحرمك ... من قهر نفسي وحوباتي
.. .. .. .. عساك .. تشوفها ... يوم الحشر أصغر .. حساباتك

عساك .. تموت .. من خنجر تعب صبري وماساتي
.. .. .. .. حرام .. أصرخ غضب ... محبط لجل تعلن بطولاتك

آه .. يا شين المدينه ..!!
مابقى فيها أوادم ..!!
أو عمر مولود قادم ..!!
كل ثوانيها الحزينه ..!!
البيوت الصمت ..!!
والشارع سكينه ..!!
الجفا فـ الحب كافر ..!!
ينتظر عودة مسافر ..!!
والمشاعر
في عواطفها سجينه ..!!
قالوا حظك قام وجيته
وللأسف يوم أحتضنته .. وقفت أنفاسه ومات !

[حبي خالص]

انتقاء عذب أماني
يعطيك ربي العافيه

" نص يستحق النجوم الخمس "

همسه/ نتمنى أن نرى لك تفاعل في اطروحات الاعضاء

[عايشه حياتي]

كلمات رآئع
يعطيك العافيه عزيزتي على الطرح آلمميز
بإنتظآر جديدك بكل شوق
ودي و تقديري

[الرميثي]

نص جدا رائع
يسلموووو استاذه ع الكلمات الراائعه ..
يعطيك العاافيه

[زهرة الأحلام]

.
.



أماني ..
كلماآتٌ جميلةة / ذوقٌ راآقي
أسعدكـ الرحمن ~