ليلة البارح لفاني .. من بعد غيبة طويلة
و بــ عتب عاشق سألته .. وين يا أغلى الحبايب ؟!
وين هــ الغيبة حبيبي .. روحي بأسبابك عليله
و أسأل الأشواق عنك .. ياترى وش فيه غايب ..؟؟
كنت بغيابك أحاول .. بس ماباليد .. حيله
كنت أترجى رجوعك .. و الرجا مخطي .. و صايب !!
كنت بغيابك أردد .. وين راح ألقى مثيله ؟؟
كيف ينساني وقلبي ... في هواه سنين ذايب ؟؟
كنت بغيابك يتيم .. ولا لقى منهو يعيله
كنت بغيابك شجاع ... و خانته دنيا المصايب .....!!
كنت بغيابك خليل ... و فاقدٍ شوفة خليله
كنت بغيابك غريب .. و يحرقه شوقه .. لهايب ...!!
كنت بغيابك سجين ... و ينتظر منهو يجيله
كنت بغيابك ضحية ... و الزمن لاشك .. عـــايب !!
كنت بغيابك حزين .. و الحزن منهو يشيله
كنت بغيابك أعاني .. و أنثر أحزاني عجــايب ....!!
كنت بغيابك أداري .. دمعتي في كل ليله
كنت بغيابك نهاية قبر .. و تراب .. و نصايب ......!!
صاح .. يكفي .. و بعيونه دمعةٍ طاحت قتيله
ترجمت أحلى المشاعر و أتركتني حيل طايب !!
دمعةٍ تسوى حياتي .. دمعةٍ ماهي قليله
دمعة شالت همومي .. و أنتثر حزني هبــايب !!
رد مع اقتباس
"
المشاركة الأصلية كتبت بواسطة الشيخه الفلانيه
