بعد الغياب المرّ وش باقي لنا
........غير الدموع وصفحة الحب القديم
يالهفة الماضي بعد طول العنا
........ماتزرع الأمال والواقع هشيم
قامت مجاهيم الجفا تلعبّنا
........وصابت مغاتير المحبة فالصميم
لو طاولت آمالنا روس البنا
........ماتعبت ركابي تناجي كل غيم
قلبي سقيته في محبتكم هنا
........لو طالت الآيام يبقالك نديم
يبقى مع الأيام رأسً مانحنا
........شامخ شموخ البدر فالليل الظليم
كم لي أشوف لوجهك المتعب سنا
........يكسر عناد الصبر في صدر الحليم
لاتسأل عيون الغلا عن حبّنا
........أسأل ظروف الوقت عن جرحً مقيم
ولاتسأل القلب المعنى وش جنا
........بعد الغياب وصفحة الحب القديم
الدمع والآمال والماضي وأنا!!!
........حلمً على (الشباك والله العظيم)