-
خاطر
ماهو الـ Seo من وجهة نظري
ماهو الـ Seo , تعريف السيو , تهيئة المواقع لمحركات البحث
Seo
معلش ياجمـاعة انا قريت كتير جداً لناس أسمائها كبيرة جدا في المجال وأكتشفت أنهم بلح 
والمعني الحرفي لكلمة بلح أنهم بيتكلموا علي الفاضي ولما قارنت بينهم وبين المقالات الاجنبية اللي بتنزل للسيوأكتشفت أنهم واخدين نفس أفكارهم بالحرف لكن مع العلم أني كل الكلام عن الـ Seo دلوقتي أنتهي عند كل الشعوب غير العرب نقدر نقول من سنة 2012
طيب تعالوا نشوف بقى من وجهة نظري انا يعني أية تهيئة المواقع لمحركات البحث ويعني أية أصلا أوصل في الصفحة الأولى لكلمة عليها بحث كبير ( السيطرة علي كلمات البحث في جوجل )
عشان نختصر الكلام ده كله أحب أقولك أنك محتاج 6 حاجات تعملها
1- أتعامل مع كل صفحة في الموقع علي أنها موقع لوحدها ( ديسكربشن وكي وردس وتايتل خاص بيهم بعيد كل البعد عن أي صفحة تانية مهما كان محتوي الصفحة التانية )
2- لازم ترعي نقطة السرعة كويس جداً يعني أنا من وجهة نظري من 90% إلي 100% ده موقع يقدر ينافس علي كلمة قوية ولازم يبقى في باك لينك داخلي بين كل صفحات موقعك بمعني أصح أربط موقعك كويس جدا ببعضه خلي كل الصفحات مترابطة ببعض ولو اعتبرنا ان كل صفحة هي موقع فانت كده عندك باك لينك من مواقع كتيرة
3- وانت بتكتب محتوي وحياة أهلك ياشيخ بطل تنقل عشان دي حاجة زي الزفت حرفياً أكتب مقدمة حلوة كده بتشرح فيها انت هتكلم عن أية كويس جدا وقسم افكارك لبنود تتكلم في كل فكرة لوحدها حاول تخلي الموضوع متغير بأكبر شكل تقدر عليه ولو معرفتش تعمل ده ودي تبقى حاجة وحشة اوي وأحسنلك متشتغلش في المجال ده لأنك مش هتكمل فيه يبقى معندكش غير حل واحد هو أنك تجمع أفكار من أكتر من موقع وتغير في صياغتهم وتنزلها وتوكل علي الله .
4- لازم يبقى موقعك منتشر علي السوشيال ميديا وأعتقد في ناس متعرفش غير الفيسبوك وتويتر وجوجل بلاس لا ياعم الحج أحنا عندنا اكتر من 50 موقع سوشيال ميديا هبقي اتكلم عنهم في مقال تاني .
5- متضيفش موقعك في كلام الهري اللي بينزل وموقع بيديك باك لينك دوفولو ومواقع شركات او مواقع خدمية وكلها ملهاش علاقة بالمحتوي بتاعك ده جوجل بيعتبره باك لينك ضعيف وبيعاقبك عشانه بمعني أصح أكبر بتفكيرك شوية
6- عشان تجيب باك لينك في موقع نفس محتواك مش شرط يبقى الموقع كله نفس المحتوي بس ممكن المقال يكون نفس محتوي يعني مثلا لو بتكلم عن برنامج دونلود مانجر حاول تجيب لمقالك ده باك لينك في مقالات الدونلود مانجر وانا هشرح ازاى برضه في مقال تاني وهنا بنطبق نظرية أن كل مقال يعتبر موقع لوحده .
كده دول الـ 6 نظريات وخطوات عملهم هشرحها كويس نظرية نظرية في مقالات جاية كتير تابعوني وبس ومبدئيا انا مش هكسب حاجة لو قولت خبرتي ومش هعمل كده عشان البشرية طبعاً هعرفكم بعدين هتكسبوا ازاى من خبرتكم كويس أوي .
-
رد مع اقتباس
