سؤال يامنهو يجاوب سؤالي
دايم احب السجه اللي لحالي
واقطع على جيب البرادو مشاوير.
من ضيقتن بالصدر ياويل حالي
كنّه بصدري يلعبن المناشير
واسج رجلي. بالدروب الخوالي
وحيد ياقلب العنا يالمقادير
واختار لي نقره وافوّح دلالي
وتلفي بيوت الشعر عندي طوابير
احيان اوردها لضيم اليالي
واحيان اغنيها لسيد الغنادير.
الكامل ولله كل الكمالي
المترف اللي فيه كل المعايير
الجادل اللي بعد حط الرحالي
فجأه بليا اسباب ولا تبارير
والله لو يدري عن الشوق غالي
مكان غاب وغيّبته المعاذير.
والله لو يدري عن اللي جرالي
مكان يتركني بوجه الاعاصير.
بس المصيبه كيف ياصل رسالي
سنتين وابراج المواصل دوابير.
سؤال يامنهو يجاوب سؤالي
هل للجفا إعلاج ولا عقاقيييير ??
هل للجفا إعلاج ولا عقاقيييير ??
هل للجفا إعلاج ولا عقاقيييير ??
رد مع اقتباس
المشاركة الأصلية كتبت بواسطة حبي خالص
