كل ما جيّت من غيرك مكانٍ جديد
اتذّكر على شانك قديم المكان
واطرب لهاجس الذكرى وابيها تزيد
ياهواجيس ياذكرى تراني ضمان
قبل اجي مدهلٍ لك والمشاعر جليد
اتذّكر من اسباب المكان الزمان
ما تخّيلت قلبي من همومه وحيد
كن همّي على فرقاك يضفي حنان
ياهبوب لفتني والمسافه بعيد
ارسلي له مع النسمه صحيح البيان
كنت احسب اجتماعي بك طويل ومديد
اليالي مع الدنيا بليّا ضمان
ماسلم من عنا الدنيا الرضيع الوليد
كيف ب اسلم وباراهن عليها رهان
الحياه الزهيده من قبلها زهيد
مارضى تبعة السيسان كون الجبان
من بغى المرقب العالي وراسه عنيد
ايتصّبر على وقته والى شان.. زان
الليالي ولو قفّت تراها تعيد
كل ذكرى وتبقى مثل شاهد عيان
لو ما غير المسافه لاقطع البيد..بيد
اقطع الدرب كلّه لين اجيك احبيان
اذكر انّك مشيت ويوم (فرقاك عيد)
عيد الاضحى وعيدٍ فيه فرقاك شان
والله انّك على بالي وربي شهيد
وان ذكراك لا حلّت تهز الكيان
وانّك اللي تولا عرش قلبي وكيد
وان الاريا بعد ما اقفت تبيّن سمان
لاسقى الله يومٍ فيه شبّت وقيد
نار فرقاك وارخيت الرسن والعنان
واصبح الواقع الملموس حلمٍ سعيد
صار فعلٍ من الماضي ولا كنه كان
رد مع اقتباس
!
المشاركة الأصلية كتبت بواسطة الصممت هيبةة
