ياحلة (ن) تحـوي تفاصيـل واسـرار
وافيتهـا فـي منتصـف مـن شهـرهـا
فـي موسـم(ن) مابيـن مـارس وايــار
في شعبة(ن) معزولة(ن) عن بشرها
عـذب(ن) هـواهـا ماتخالـطـه لـكـدار
صافـي سماهـا تبهـج اللـي نظرهـا
اطيورها تشدوا علي غصن لشجار
تلهـو وتقطـف مـن مشاهـي ثمـرهـا
ازهـارهــا مـابـيــن نــرجــس ونــــوار
وانـوارهـا تعـكـس محـاسـن قمـرهـا
اسري لها لاضاق صدري مـن الـدار
واظل فـيـهـا لـيــن يـصـفـوا كـدرهــا
نفسـي تعـاف الهـم واسبـاب لكـدار
والنفس تبغض من يسبب ضجرها
وادير مـدلاتـي عـلـي مـوقـد الـنـار
مـدلات بــدو (ن) ماتخـافـت جمـرهـا
واذكـر وليـف (ن) فرقتـنـا بــه اقــدار
ذكــــراه دامــــت لـوتـقــادم وطــرهـــا
جار(ن) وجار القلب مغلاه مـن جـار
والنفـس ماتنسـي حبـايـب عمـرهـا
والشوق يجبرني علي بوح لشعـار
يـــوم الـمـشـاعـر مـاتـكـاتـم خـبـرهــا
شعـري كيتبه والهواجـيـس خـطـار
ضيفانـهـا عــذب القـوافـي تـسـرهـا