-
حطّ المساء عينه الوضحى بعين السدول
من عادة الليل مايعطي عيونه لـ أحد
في حجرتي : شمعةٍ يكبر معاها الذبول
وأشوف ظلّ احتراقي يبتعد : للأبد
خلّد بقايا نهارٍ .. مرّ فيني : عجول
وأيام عمرٍ رحيله في حياتي : قعد
انا الضياع الوحيد اللي بظهر الذلول
انا صور برزخ الأحزان قبل انولد
انا السؤال المحيّر بين عدة حلول
من كثر مـ افقد ماعاد ادري لمين انفقد؟
يانادل الصبح : ليه الورد عاف الحقول
ماعاد في الوجد ورد اشواق لاجل انوجد
احسّ بين الضلوع : احباب واربع فصول
وقاعٍ غباره دفين : اكثر سحابه : رعد
قلّدت صدر السما : بالمزن حسب الاصول
وأعشاب عمري تقفّاها عجاج ونكد
يكفي عيوني مع الدمعات ترقى : نزول
كل مارتوا بي ظما وجهي : حنيني صعَد
يادربي اللي عليك اغريت حلم الوصول
مازلت شاعر واحب الناس واكره بعد
لو ينبت الراس : ناقص ماحتريته يطول
لو اعتزي بالقبيله .. واعتزي بالبلد
مـ ادري من انساني : انسانيّتي في ذهول
وقتٍ تَحَيْوَن به الاجواد .. ذيب وأسد
قاتلت للناس : كنّي من جيوش الرسول
( للهُ اكبر )ركع قلبي ..( ولله ).. سجد
اخترت للقلب ناسٍ : يعتصرها الفضول
كنّي ماقرّبت ناس الاّ .. عشان ابتعد
أعطوني احلام واخذوا من صباحي قبول
كنت إلهم ايام حلوه ..وقتلوني..حسد
اثر استقامة مشاعرهم : مجرّد ميول
بيداء تدسّ الظما : طُعمٍ لموت وجلَد
أذكرك ( يُـمّـه )تقولين:الرفاقه خيول
احذر من العثرة اللي ماوراها سنَد
يانادل الصبح : سادة هقوتي ..لاتطول
دوّر مع الشمس سكّر ذكريات : ان وُجِد !
.
.
.
شفت انحلاله يالضمير المستتر في وجه عاري
منخلْه يكشف ماغطى من مظْهر الشمس العتيمه
هذي مسارب ريبة اصحابه على رمل المساري
تعقربوا تحت النوايا ولدغوا نيّه سليمه
اصغرهم اللّي لانتهى حلب الذنوب / يحنّ طاري
واكبرهم اللّي تنعدم رؤيا الامانه في سديمه
ليت الغضب مرهم حقيقه وادفن جروح المواري
وازوّج الاحلام من صبري وامنّي النفس ديمه
جالٍ يهوج (إ)له الظما وفرة نهر قلّته جاري
جدْب السنين ومرحلة جني الكساد وعمر شيمه
مين غدروني ؟ كل ماجيت انتصر وآخذ بثاري
تأخرت عنّي قدم نفسي مسافه من عزيمه
ماعاد للـ قربى سيوف النصْر .. واردّ اعتباري
تكاثرت فيّه رماح القرب وامضت بي ظليمه
اقضي السفر بين السنين اللي مضت وابقى جواري
واخطر على بالي واعيش من الالم ذكرى قديمه
كلّ المراحل هي : الم / راحل على خطوة قراري
ماساربه درب الندم الاّ على جثّة نديمه !
يبقى السؤال اللي ملا صمتي ونقّض جرح / باري
كيف انصف القاتل وانا المقتول بيدين الجريمه ؟
وليه إكتبْتني في زمان الطيش جدران الحواري ؟
وانا حقيقه ما ابتدت رغم النهايات الاليمه !
رد مع اقتباس
المشاركة الأصلية كتبت بواسطة مجنونك ما يخونك
'
