زمن فيه الوفا يسال ويلقا مية كذاب
على وجه السما صمتي سؤال ولملمة غيَاب
وعلى وجه الأراضي شمعتي ملَت تطفيني
ومابين السما والأرض عشنا بالحياه اغراب
ومابين الحنايا آعيد .. ياروحي وحشتيني
لبست الليل ب عيوني ستاير من سهر غلاب
على ظلما أمل واقف أصفف في شراييني
وجيه الناس مسروقة من احداقي بدون اسباب
و وجهك هو جهاتي كل َما غافلته يجيني
انا وين اختفي عنَي ؟ وابدل هالثياب ثياب
وانتي بالعروق شروق عيَا لا يصافيني
أنا غربة وله تسكن مع غربة وطن وغياب
أنا كل انكسار الكون .. ذابل بين جفنيني
زمن تافه بلا ذمَه ..تعلا في عراه أذناب
وانا بين الحيا والموت .. راسي مايدنيني
زمن فيه الوفا يسأل ويلقى له مية كذاب
غريبه هالقبور اللي تساومني على طيني
تعبت اسأل عن الخطوة ورجلي تلتفت للباب
تعبت آعزي المهموم وآنا من يعزيني ..؟
تعبت آحنَ لغيابي تعبت آكون سطر كتاب
أحنَ ابقى بصفحاتي .. وتقراني عناويني
يكفيني تعب يكفي مرار الذكريات احباب
ولا ليلة تمر إلا .. وطن روحي مخاويني
أيا روح الوطن ياللي غلاك يساوي الغيَاب
دخيل الله تعبت آقول ياروحي وحشتيني ..!
رد مع اقتباس
المشاركة الأصلية كتبت بواسطة نسر البوادي
'
