ما عاد تفرق كل شيا تساوى
فعويني اللي ما تهنت بمرقاد
ما عاد فيها يا خويي مراوى
قم لا عدمتك والعزيمه لنا زاد
الدرب موحش والذيابه تعاوى
لكن لا يطري على البال معواد
لعل من يطري عليه المناوى
يطيح عزه مثل ما طاح بغداد
أما على النجدين قمنا انتخاوى
ولا فـ روح بواد واروح في واد
ومن لا يبيلي فالشدايد مخاوى
لا قامت نجوم المجره تهاوى
حطيت ليلي درب وعزومي شداد
بلويك يا عناقا لغيري تلاوى
واطلق لجام جياد واعسف جياد
ياهل موازين القوى والمقاوى
ومعادلات الضرب والسين والصاد
ساوى وما ساوى يساوي وساوى
تغييرها ممكن اذا صاحبك جاد
لا صار نسناس الهوا عود جاوى
وشلي على اليشموم ولا على الكاد
لو كل جرح بالعلاج يتداوى
تلقى ضلوعي كلها جروح وضماد
وتلقى بعضها عن بعضها تشاوى
وتلقى فوارقها قديمات وجداد
لا صار مالك مع هل العز ماوى
تساوت الثنتين روحه ومقعاد
من ما راق لى واتمناه يروق لكم