قصيدة الأميرة نوره آل رشيد
من ذاق حر القايله يعشق الليل
ومن شب ضوه ليلة البرد يدفـا
امسيت في جيلٍ ولاهوب ذا الجيل
و اصبحت والا ديرتي شبه منفا
واللي حما بيتـه بطيرٍ ابــابيـل
ماجيت ادور كل من صد واقفـا
ولا جيت ابشحذ يانما دله وهيل
جيتك وجرح الظلم غاديه يشفا
جيتك بكلمـه كنها صعقة الويل
وان قلـت تكفـا لاتهـاون بتكفا
تكفا تراها كلمـةٍ تقطم الحيـل
لا بالله الا تـنسف الحيل نسفا
تكفا ترا تكفا لها هدرة السيل
في صدر حرٍ ينتف الطيب نتفا
تكفـا ترا تكفا لها تِسرج الخيل
ان كان لك في مجمع الخيل عسفا
تكفا تراني من قرومٍ مشاكيل
حماية الـساقه بـسيفـٍ وشلفـا
تكفـا ترى تكفـا تهـز الرجاجيل
لولا ظروف الوقت ماقلت تكفا
رد مع اقتباس
المشاركة الأصلية كتبت بواسطة الصممت هيبةة
