كسرني الجرح واوقاته .. وحسيت العمر لحظات
وساعه جرحك بقلبي .. اشوف الموت يسبيني
اسير جروحك الصعبه .. سجين الهم والدمعات
ظلمني قلبك القاسي .. بجرح(ن) ما برى فيني
بصمت احكيك وانادي .. وقلبي ممتلي حسرات
خفايا روحي تتألم .. ودمعي ساكن بعيني
طعونك طالت اعماقي .. واداريها انا بضحكات
وارسم بسمه بشفاهي .. واقول انك مهنيني
انا من زود ما أحبك .. اكف الدمع والعبرات
لجل ماتزعل وتبعد .. وجودك بس يكفيني
ورود عتابي انثرها .. بأرق واجمل الكلمات
واحسب انك تقدرها .. واثرك انت مشقيني
صوتي لك وانا انادي .. احس بنبرته آهات
انادي قلبك الخالي .. انادي وانت ناسيني
انا اهديت لك قلبي .. ابي تشفيه من العلات
لجل مايسكنه غيرك .. وتحلف ما تخليني
ولكنك هديته جروح .. واهديته عنا وضيقات
هموم تكبر بذاتي .. الم ابكيه ويبكيني
دخيلك لاتخليني .. اعاني القهر والونات
دخيلك حس بجروحي . .وكيف البعد مضنيني
ابحيا هالعمر مكسور .. وحزني داخلي مامات
تعبت احلم ولو مره .. تحس بقلبي وتجيني
خلاص اتركني لحالي .. اموت بداخلي بسكات
واحيا عمري الباقي .. ودمعي ساكن بعيني
رد مع اقتباس
المشاركة الأصلية كتبت بواسطة امنتك الله
