بنفس المكان لكني هالمره وحيد
أبكي ألم وأقول ليتك معايه
بنفس المكان وما معي غير القصيد
أكتب عسى في يوم تسمع ندايه
أكتب بإيد ٍ وأمسح دموعي بإيد
أكتب وأقول أحسن بك الله عزايه
أكتب وكل ما أكتب جروحي تزيد
وش ذنب قلبه أجرحه م البدايه
أقرب من عروقي مع إنك بعيد
وأقرب من إحساسي وفي وسط الحنايا
وأقرب من الآهات ومن كل تنهيد
وأقرب لعيني من عيون المرايا
إسمع حبيبي بعدنا والله ما يفيد
يا كيف ترضى لنفسك ولي شقايه
أرجوك إرجع نبتدي بحب من جديد
بس لا تخلي شمعتي تذوب كفايه
مرت ليالي عشت بلحالي وحيد
ياما وياما قلبي يكتب وصايا
ويقول فيها كنت وما زلت يا سيد
إنت أجمل الإحساس وإنته النهايه
واليوم صرت أكتبك على أوراقي قصيد
من بعد ما كنت إنته أجمل حكايه
شف هالمكان دايم أجي له وأنا سعيد
عل وعسى ألقاك صدفه ورايا
بنفس المكان أكتب وأنزف لك قصيد
وأقول وأتمنى..يا ليتك معايه
رد مع اقتباس
!
المشاركة الأصلية كتبت بواسطة صوت الحمام
