عطيتك حقك الزايد لقيتك ماتشيل الزود
كثير التضحيه لجلك مع الحقران متشابه
تسرعت بغلاك وصرت لافايد ولا مفيود
فلت حبل الغلا واخطيت ماجودت مقضابه
غلاك اعمى عيوني وصرت ماميز من الموجود
جليسي لو زعج لي الصوت مارديت له جابه
ومادامك صرت لاناشد على حبي ولامنشود
ابركب قارب النسيان وكلن يتبع اقرابه
انا ماني بلك ساق القدر الحظي المقرود
من بلادي عبرت ابلاد لجل اصلك باغصابه
وصلتك متعب نفسي ولجلك باذل المجهود
ابجلس قاصد الراحه شقا الايام غلابه
نويت ارتاح عمر ادم بدين الواحد المعبود
تجيك اليوم ولا باكر الايام جلابه
وعقب رحله طويله حاجب شوفي نعيم العود
تواجهنا وكن الكون ماغيره اتمشابه
دعيته استرح جنبي عسي ماللحسود وجود
عيون الحاسد الحاقد حلايا زماح لهابه
خذ اجلالك وغط ادخل علي الله هالعيون السود
جمالن يفتن المخلوق والله زود احجابه
تغط بغطوة الرحمن واهمس همسك المعهود
بسمع لو هلا منك بقايا العمر يغدابه
على شوفك سبقت اللي لمس قرب الظنى المفقود
يسوق اخطاه بيضمه بشوفه بتحفابه
اوكني من ضرب وجه الطريق المظلم المسدود
هليك القيض والمضمى بعيد وورد اركابه
عليك الشوق يسبق خطوة الطارد مع المطرود
وبعد يشبه مدابيس الظلام بليل نهابه
تبسم ناكر العشره يضحك الصد والمنقود
وقال اطلق يدي بدرب سكرو بابه
قطع بين الرجا والصدق حبل للوفا ممدود
كبر قي فؤاد اللي عمته اوهام كذابه
الاياملوع قلبي وعدك بيومك الموعود
علي ثورت ميلات الزمان وكشر انيابه
كبيرة صدمتي واصبحت مثل الحاير المضهود
مثل من عاندت دنياه لا جدوى ولا لابه
علي انت والواقع ومايل حظي المجحود
تساعدتو على من لا يحسب زلة احبابه
حقيقه مانت لافايد ولا انت تستحق الفود
كثير التضحيه لاجلك من الحقران متشابه
رد مع اقتباس
المشاركة الأصلية كتبت بواسطة حبي خالص
