أشوف وقتي حزين ومظلم (ن) جوه
الى متى والزمان الشين حاديني
والهم وسط صدري تشتعل ضوه
لامن شكيت العذاب الهم يكويني
وشفيه سلم الهوى ما يملك مروه
وشلون قفيت عني وانت تغليني
هذا غيابك يفتح الصدر ويشوه
يعذب الروح والاحزان تدعيني
بعدك يقول الشعر ياصاحبي توه
قدام تكتب عيونك ليه تبكيني
واقول دمعي على الصدات ياقوه
لامن ذكرتك يطيح الدمع من عيني
ما باقي الا يصيح القلب وينوه
تعال تكفى دخيلك لا تخليني
القلب ينخاك هاك الميسم وكوه
يبغي عذابك لو ان حبك معنيني
ياقلب تكفى دخيلك رح له وروه
روه من اسباب بعدك وش جرا فيني
لو ان فرحه سنيني تعرف الخوه
ماكان راحت معه والعمر يطويني
لاتحسب ان الليالي دوم محلوه
لا تقول لي يا ( فلان ) ماعاد يمديني
ارجع دخيلك وسو اللي تبي سوه
يفداك عمري وما تبغي من سنيني
اكبر دليل الهوى ما يملك مروه
شف كيف خلا قصيدي فيك يرثيني
رد مع اقتباس
المشاركة الأصلية كتبت بواسطة عملاق الشعر
