(غربه بلا عنـــــــــ؟ـــــوان)
يعين الله يادنيا تسوق ايّامها iiالأحزان
يعين الله .. وانتي مثل قفل ٍ ضاع iiمفتاحه
يعين الله ... وجروحي لها في كلّ وقتٍ شان
كذوب اللي يقول ان الزمن بيداوي iiجراحه
سقى الله يوم انا يمّه غرير ٍ يزعج iiالجيران
سقى الله يوم انا طفلٍ يصج البيت بصياحه
سقى الله يوم كان اقصى طموحي .. لعبة iiالدنان
نهاية يومي المغرب ... واخاف الليل واشباحه
سقى الله يوم انا البس بشت ابوي وثوبه القيطان
واقلد كلّ شيٍ فيه .. حكيه .. جدّه .. مزاحه
واشيل المسبحه مثله ليا هوجس وهو iiسرحان
بيشعر ...واحسب ان اللي عطاه الشعر مسباحه
سقى الله بيتنا ذاك البسيط مشقق iiالجدران
شجاع ٍ يهزم الغدراء … بقنديله ومصباحه
تكحِّلنا القناعه .. لا طمع .. لا هم .. لا iiحرمان
واذا جاء الليل تكفينا ... ثلاث اخوان .. iiطرّاحه
جميع الذكريات اللي غدت في قفرة النسيان
يحاكي حلوها عبره ... بموق العين سبّاحه
خذتني غربةٍ عنوانها ... غربه بلا iiعنوان
ابي عقب التعب راحه ... لقى فيني التعب راحه
رجعت اليوم مثل اللي رجع عقب القنص iiخسران
غدا طيره وجاء يسحب سلوقيه iiوملواحه
قصيده مابَعَد مرّت ببال مساعد iiوضيدان
هواجيس ابدويٍ هايم ٍ في عشق iiفلاحه
وروح ٍ تايبه كانت تبي لذنوبها iiغفران
خطاي انّي كتمت اسرارها بعيون iiبواحه
تقولين المطر ماهوب … يمّه دايمٍ iiهتان
اجل معذور قلبٍ في همومه ضاعت iiافراحه
انا يمّه غلطت ولاني اول واحدٍ غلطان
ابونا آدم من الجنه خرج باسباب ... تفاحه
خذلك الوقت فيني .. ماخذلتك ياأعز انسان
وش الدبره ؟ وحظي صار.. قفل ٍ ضاع iiمفتاحه
رد مع اقتباس
!
