سنيني لك وتبخل في ثواني ليه يا قاسي؟

[رايق البال]

يسعد مساكم / صباحكم
هلا بالجميع ...
ولازال اللقاء بكم يتجدد احبتي واتمنى ماراق لي يروق لكم ...


تهادى شوقه لقلبي وحرّ الوجد في لقياه
يعانق شوقي احساسه واحس النبض بانفاسي*


شهق قلبي معَ حْضوره..وتسترسل حروفي آآآه
أبسأل بس وش قصة شعوري ولهفة احساسي*


يداعبني بهمساته..يذوّب خافقي بدفاه
يسيل الما وتورق بي غصون (ن) حيل يبّاسي*


يعذبني بنظراته وانا الشفقه على لاماه
ويتغلغل رسول الحب يسرق كل هوجاسي*


وأصيح بلهفة المشفق ياويلي آه يا لباه
وعشاق السهر سمعوا حنيني له فالاعماقي*


وتزهر دنيتي لهفة مدام ان دنيتي دنياه
ويتّل بحبه احبال الغرام ونبض قرطاسي*



انا اللي ضامي(ن) حب (ن) ابد ماله طعم لولاه
ابغرق في بحر حبه ومن راسي إلى ساسي*


ابي يطعم غلاه اللي سكن بادنى الحشا واقصاه
ابي أسقيه من روحي لجل يدمن هوى كاسي*

ابي يشرب جميع الشوق مني بالهنا وابغاه
يجيني ويروي عروقه غلا ماله ولا قياسي*

اشوفه في تقاسيم المحبة والوله يكساه
وقدره والله اني شايل(ن) قدره على راسي*

ويسري عقرب الساعه وروحي تزهم وتنخاه
سنيني لك وتبخل في ثواني ليه يا قاسي؟

اخوكم / رايق البال

[عملاق الشعر]

الــــــرايــــــــــــــق



نص في قمة الجمال
واختياراتك داائما تروق لي



سلمت يداك المبدعة وذوقك الراقي

[حبي خالص]

الله الله عليك استاذ
من راااائع لأروع
نص راقي وللبعيد أخذني
دمت برقي ذووووووووقك


" نص يستحق النجوم الخمس "

[نوارة الكون]

سلمت يمناك استاذي اختيار متميز وراقي ربي يعطيك العافيه

[سعود الشبلي]

قصيده مميزة يعطيك العافيه ..

[الشيخه الفلانيه]

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً !

[♧مهااا♧]

ليه ياقاسي .....
قصيدة رائعه استاذ

[حبك وطن]

ابيات جميله جدا
تسلم يمينك
لاخلا ولاعدم

[رايق البال]

الــــــرايــــــــــــــق



نص في قمة الجمال
واختياراتك داائما تروق لي



سلمت يداك المبدعة وذوقك الراقي

عملاق
تسلم والله
الف شكر لمرورك وتعليقك اللي اسعدني .. كل الود لك مني

[صدى صوت]

قصيده جميله اخي الاستاذ رايق كجمال انتقاءك