كل ** .. الوصوف المبهرة .. ** ما توفّيك
حتى الحروف تقول :....لله درّه !!
لبّـــــــــى .. عيونك وابتسامات أشافيك
يا لله عساك لعين{ .. مغليك .. } قره
يا ( نور عيني ) جعل ربي يخلّيك
وجور الزمان .. الله يكفيك شرّه
على طريق الوصل ثبّت خطاويك
ودرب بالجفا .. راع الوفا مايمرّه
اشتاق لك لا غبت وافقدك وابكيك
واشكي من الفرقا... وفرقااااك مرّه
وإن جابوا العربان فالهرج طاريك
يفزّ | .. قلبي .. | كن شيٍ يجرّه
حتى .. دموعي .. في غيابك تناديك
كنْها تعاتب "" غيبتك "" وتّشرّه
ما أعرف في غيابك سوى قولة ( آبيك )
ولا كل إنسانٍ .. ’’ زمانه ’’ يبرّه
ولا ضاق صدري .. من عنا وقتي أجيك
وشوفتك ... مفتاح السعد والمسرة
وليا .. {تكدّر خاطرك} جيت أسليك
...وأبعدك... عن جوّ الكدر والمضرة
ولا صرت ( جنبي ) وضمت يديني يديك
كني ملكت الكون بحره ...وبره
وأنت وأنا ما بين هاذي و هذيك ..
أعظم { .. حكاية ودّ .. } تحت المجرة
تعطيني أصدق صافي الحب و أعطيك
قلبٍ { شياطين الحسد } ....ما تغره
وهرج العواذل .. لا يهمك ويشقيك
عرّضْه [ .. لهبوب الرياح ..] وتذرّه
(أغلى بيوتي ) صغتها لجل عينيك
وقدّمت | .. لك .. | من بحر الأشعار درّه..
رد مع اقتباس
حياتي هي مملكتي لا أجبر احد على دخولها او البقاء
المشاركة الأصلية كتبت بواسطة @دكتور القلوب@
!
